ACTE H, SCENE IV

JANNE.

Vous ne faites que lanterner, Perdre temps et balliverncr ; Mais que voulez-vous que je die?

MAISTRK JEOAN.

Potiron, cette maladie

Ne la tourmente pas souvent.

POTIRON

Parbieu ! c'est quelque mauvais vent Qui l'a frappée ce matin, Et l'a mise en son avertin *.

MAISTRE JF.HAX.

Potiron, trêves de colère ; Laissons là Janne. Quelle chère Cependant que Monsieur contoit Du Havre pris, et qu'il vantoil L'heureuse et vaillante jeunesse De nostre roy *, et la sagesse Et l'heur de la royne sa mère, Lorsqu'il disoit'que la main fièrc Et le cœur brave du François Avoit mis et chassé l'Anglois Hors des limites de la France!

Aussi tost Madame commence, Feignant de ne l'entendre pas, A parler haut, à parler bas, Puis jette les yeux contre terre.

POTIRON

Maistre Jean parle de la guerre Ainsi que de son parchemin ; Maistre Jean a l'esprit mutin.

JANNE.

Ha! Potiron, laisse-le dire.

MAISTRE JEHAN

Si Monsieur avoit faim de rire, Aussi tost elle rougissoit, Aussi tost elle pallissoit.