ACTE IV. SCtNE I

D'attendre quelques jours encore.

Je sçay qu'il m'aime, et qu'il honore

Sur toutes choses la vertu ;

Mais avant qu'il ait combatu

Son tuteur, son oncle et sa mère,

Et les parens de feu son père

A celle fin d'y consentir.

Il n'en pourra jamais sortir;

Puis on m'a dit je ne sçay quoy :

Qu'il avoit jà promis la ïby

A une jeune damoiselle.

Et qu'il plaide pour l'amour d'elle,

Et sy croy mesme que Monsieur

En doit estre solliciteur.

Cela seul m'en a destournée

De confesser dont je suis née.

Je sçay bien que secrètement

Madame m'a voulu tenter,

Et, afin de la contenter,

J'ay dit que j'estois orpheline,

Fille d'un facteur de marine '

Qui estoit natif de Poitiei-s,

Et qu'il y a dix ans entiers

Qu'il estoit mort en un voyage.

Et, sans me forcer davantage,

S'est contentée, et croy de peur

De me fascher ; elle a bon cœur.

Seulement elle m'a priée,

Si je veux être mariée.

Je ne refuse le parti

Que Monsieur m'avoit assorti,

Me promettant bon avantage

Si j accepte le mariage.

J'ay dit que j'avois arresté

De suyvre en tout leur volonté,

Et faire ce qu'il leur plairoit.

Maistre Jean n'est pas mal-adroit,

Il est doux, et si a l'adresse

En ce qu'il fait, puis la noblesse

Aujourd'huy n'est que pauvreté.

Je ne puis vivre en liberté.

En liberté de conscience

Mieux qu'à Paris; la patience