FARCE DE POU D'’ACQUEST

El va plus viste que le pas.

MARCHANDISE

Partir nous convient de ce lieu ; Grosse Despense, vertu bieu!

MESTIER

Allons-nous en.

MARCHANDISE

Adieu.

MESTIFR.

Adieu.

GROSSE DESPENSE

Je vous suyvray pas à pas. POU D'ACQUEST.

Grosse Despense, vertu bieu !

Nostre estat n’y fourniroit pas.

MARCHANDISE

Corbicu, nous ne vous cherchons pas; Pourvoyez-vous d'aultre pasture.

POU D'ACQUEST

Vous avez faict un bon repas; Mon Dieu, que vostre pance est dure!

GROSSE DESPENSE

Je ne dy pas ce que mon cueur procure ; Je vous promelz que vous verrez beau jeu.

POU D'ACQUEST

Nous direz-vous nostre bonne adventure ?

Vous amusez tousjours à la pasture ; Ung temps viendra que nous sçaurons le neu.

LE TEMPS

Qu'est-ce que j'o ! tempester en ce lieu Si longuement ?

POU D'ACQUEST

Je ne scay, par ma conscience, Se ce n’estoit cette Grosse Despense Qui se complaint.

LE TEMPS

Et la cause pourquoy ?

La laissez-vous tomber en decadence ?

MESTIER

Remedier n'y sçauroÿs, sur ma foy.

MARCHANDISE

Temps qui court, ce n'est pas la loy De nous bailler tout d’une instance Pou d'Acquest et Grosse Despense.

Cela me faict craindre et doubter. Le fardeau est lourd à porter, Sans deffault.

LE TEMPS

Tant de quaquet!

Entretenez Grosse Despense ;