Commandement

5, e Si j te demaude bonne récompense. s V. sur le mot

guerdon notes des pièces précédentes.

DIEU LE PÈRE

Abraham, j'ay grant cognoissance Et compassion et pitié Du povre Lazare, qui est A long temps en grief maladic; Pour ce, luy veulx donner la vie Que j'ay promise à mes amys, Pour ce, sera posé et mis Par mes anges prochainement En ton saing, je luy ay comment; Mes anges y vucil envoyer.

ABRAHAM

Vray Dieu, bien m'y doihs ottroÿer, Puisque c’est vostre voulenté.

Louée en soit la Trinité Et vostre hault nom glorieux, Qui est tant digne et precieux Que nul ne le sçauroit nombrer; On ne vous peult assez loucr; Soit faicte vostre voulenté.

DIEU LE PÈRE

Raphael, il me vient à gré

Du povre ladre visiter ;

Pour ce te convient devaller?

Là bas à luy incontinent.

Rendre luy vueil son paycment

Du mal qu’il a tant enduré

Et si pasciamment porté;

Il aura joye sans finer.

RAPHAFL.

Vray Dieu, bien m'y doibs encliner A faire vo commandement ;

Pour ce m'en voys joyeusement

Le povre ladre conforter,

Et vouldroye son ame porter

Au sain nostre père Abraham :

Car il a souffert grant ahan

Tant comme il a esté au monde; Pour ce doit estre pur, et monde Son ame et bien purifiée.

LE LADRE,

Vray Dieu, que ceste maladie Forment me destraint et oppresse. Longtemps ay souffert grant destresss, Dont je loue mon crealeur, Qui de tous maulx rend le labeur À ceulx qui ont la congnoissance De son nom et de sa puissance.

Vray Dieu, je ne puis plus parler.

En tes mains vueil recommander L'ame de moy; je n’en puis plus.

SATHAN

Haro, que je suis espcrdu *!