En délices

8. « Service.» Amyot a employé le mot cxploit dans ce sens : « Timoléon n'arreste guère à choquer voyant le peu d’exploit que faisoient ses gens de cheval, »

C'est celluy qui sçait bien merir!, C'est celluy qui nul bien n’oub'ie, C’est cil qui a la scigneurie Dessus tous ceulx qui sont au monde, Tant comme il dure à la ronde.

Tousjours aura jove et soulas, Et tu demourras là en bas En enfer avec les dyables, Qui sont si très epoventables, Que c’est merveille de le veoir.

Assez peulx complaindre et gemir, Car prière n’y a mestier.

Père Abraham, je te requicr, Puis que mercy ne puis avoir, Ne pour plaindre ne pour douloir à, Que le Ladre vous transmettez Chez mon père, par vos bontez, Où cinq frères ay encor vifz, Que leur die, par bon advis, Qu'ilz vucillent amender leur vice, Affin que ilz ne vienent mye Aux tourmens où je suis entré, Où il n’a mercy ne pitié, Mais pleurs et grans gemissemens, EL tant de si divers tourmens Qu'il n’est clerc qui le sceust escripre, Ne cueur penser, ne bouche dire.

Père Abraham, quant le sçauront, Bicn leurs vices adviseront ; Or t'en souvienne, je t’en pry.

ABRAIAM.

Ta requeste ne te octry ?.

Iz ont Moyse et les prophètes, Qui sont saiges et moult honnestes ; Croyent les, ilz feront que saige, N'y auront poyne ne dommaige.

De cela ne leur fault doubter, Car par eux pourront conquester Le royaume de paradis, Où il n’a que joye et delictz, Qui tousjours dure sans cesser.

Père Abraham, à brief parier, S'aulcun des mors à eux allast Qui les choses leur affermast Qui sont doubteuses et obscures Aux terriennes creatures, Certes, trop miculx ilz les croiroient Et aussy moins redoubteroyent Que ilz ne font pas sainctz prophètes, Combien qu'ilz sont saiges, honnesles Et que leurs ditz sont veritables Et leurs enseignemens estables.

Pource te supplie et requier Le Ladre y vucillez envoyer, Affin qu'ilz amendent leurs vies Et que leurs amecs pas peries * Ne soyent, ainsi comimne je suis.