Rasées, râpées

Si je vueil mon sens esprouver,

Je sçauray bien où en trouver,

Des robes et des chappcrons!

Se Dieu plaist, nous eschapperons, Et serons remis sus en l'heure.

Dea, en peu d’heure Dieu labeure ! :

Car, s’il convient que je m'applicque A bouter avant ma praticque,

On ne sçaura trouver mon per.

GUILLEMETTE

Par saint Jacques ! non, de tromper; Vous en estes un fin droict maistre.

PATHELIN

Par celuy Dieu qui me fit naistre!

Mais de droicte avocasserie.……

GUILLEMETTE

Par ma foy ! mais de tromperie :

Combien vrayement je m'en advise, Quant, à vray dire, sans clergise ?, Et de sens naturel, vous estes

Tenu l’une des saiges testes

Qui soit en toute la paroisse.

PATHELIN

I n’y a nul qui se cognoisse Si hault en avocacion.

GUILLEMETTE, M'aist Dieu, mais en trompacion.

Au moins, en avez-vous le los ?.

PATHELIN

Si ont ceulx qui de camelos * Sont vestuz, et de camocas #,

Qui dient qu'’ilz sont avocas, Mais pourtant ne le sont-ilz mie.

Laissons en paix ceste baverie 6; Je m'en vueil aller à la foire.

GUILLEMETTE

A la foire ?..

PATHELIN

Par saint Jehan! voire; A la foire, gentil’ marchande, Vous desplaist-il, se je marchande Du drap, ou quelque autre suffrage ?

Qui soit bon à nostre mesnage ?

4. Encore un proverbe. Nous le retrouvons presque avec les mêmes mots qu'ici dans le fabliau d'Estura publié par Barbazan, t 1, p. 67 :

En petit d'eure Diex labeure.