Étaient adressées

11. « Ils vous ont fait un service complet de ces cancans, de ces lardons. »

ROUGE GORGE

N'en parlez plus jamais, Je vous congnoys comme une pomme, Ce n’est pas pour nyent ! qu'on vous nomme

VERDIER

Dy hardyement.

ROUGE GORGE

D'estre fin homme, La mer ne t’an sauroit laver.

VERDIER

Et que va tu yci baver ?

Ne vouldroys-tu dire aultre chose ?

ROUGE GORGE

Sy fayz mon dea, mais je n'ose; Sages gens sont tousjours doubteux ®.

VERDIER

Ha le pauvret! qu'il est honteulx Et plain de simple regnardie *.

ROUGE GORGE

Puis qu'il fault que je le dye, Tu es, toy, fin fol naturel.

VERDIER

À Rouge Gorge,

ROUGE GORGE

A Verderel, Comme sont ces rouses de may, Vous vous donnez beaucoup d’esmoy Pour cella qui point n’y panse.

VERDIER

Mais toy qui portes la despence De cincq ou seix veilles matronnes, À qui robbes et chausses donnes, Cuidant toy, simple estallier *, Estre le chien au gros collier, N’es-tu bien foul et estourdy?

ROUGE GORGE

Tais toy, quar pour vray te le dy, Je sçay le tour de mon baston,

Et m'en fays fors quancoyz dit on, Que je suys auxi bien venu

Entre dames, et chier tenu,

Qu'on ne m'en fait tort en rien.

VERDIER

Et moy?

ROUGE GORGE

Pour ung homme moyen ?, Tu es bien taillé, à vray dire, Et croy qu’à te faire de cire

{. Néant, rien.

2 « D'être un homme fourbe à force de finesse. »