Tourne le dos, va-t'en
LE MARY
Qu'on ne m'use plus de telz motz Si hardy.
LA FEMME, Pour qui, nostre maistre ?
LE MARY
Sus, sus, au vin ; rinsez les potz, Mettez la table sur le trahistre !.
LA FEMME
Par le vray Dieu qui me fist naistre, Mourroys plus tost. À quel propos ?
LE MARY
Qu'on ne m'use plus de telz motz Si hardy.
LA FEMME
Pour qui, nostre maistre ?
Et pour ce gros baston de haistre Dont je vous casseray les os.
LA FEMME
Helas ! helas! les rains, le dos!
Au meurdre sur ce trahistre Ganes!
LE MARY
Dya, j’ay esté au pont aux asgnes; Je sçay comme il fault les conduire.
LA FEMME, Helas! je suis morte, Johannes.
LE MARY
Dya, j’ay esté au pont aux asgnes.
Ferez-vous point les febves baynes ?
Hen, quoy, ferez-vous le pot cuyre ?
Dya, j'ay esté au pont aux asgnes;
Je sçay comme il les fault conduire.
LA FEMME
Helas! besoing, je les vois frire, Et si vois * allumer le feu.
Pardonnez-moy, au nom de Dieu, Et je feray vos voulentez.
LE MARY
Trottez, vieille, trottez, trottez, Et servez quant il est besoing.
LA FEMME
Helas ! espargnez mes costez.
LE MARY
Trottez, vieille, trottez, trottez.
LA FEMME
Vos chausses seront descrotez, Et si vous chaufferay le baing.
