Bassin

Ou une tasse, sans plus braire, Pour faire ce qu'est necessaire.

Las! à la mort je suis eslis ?,

Pensez, si vous voulez, de traire,

Pour mieux prendre vostre delit ?,

Vostre cul au dehors du lit :

Par là s'en peut vostre ame aller.

LE MUNYER.

Helas! regardez, si voller

La verrez point par l'air du temps!

Il! met le cul dehors du lict, et le Deable tend son sac, r»pendant qu'il chie dedans: puis, s'en va cryant et hurlant.

Ici la scène est en enfer.

BERITH

J'ay beau gauldir, j'ay beau galler!

Roy Luciffer, à moy entens!

J'en ay fait de si maulcontens#,

Que proye nouvelle j'apporte.

LUCIFFER.

Actens, ung bien petit actens!

Je te voys faire ouvrir la porte.

Une chauldicre, en ce lieu-cy !

Et saichez comment se comporte Le butin qu'il admeyne icy!

Ilz luy apportent une chauldiere ; puis, il vuyde son snc qui est plain de bran moullé.

SATHAN

Qu'’esse jà ?

PROSERPINE. Que diable esse cy ?

Ce semble merde toute pure.

LUCIFFER.

C'est mon ! Je le sens bien d'icy.

Fy, fy ! ostez-moy telle ordure !

BERITH

D'un munyer remply de froidure, Voy-en cy l’ame toute entiere.

LUCIFFER.

D'un munyer ?

SATHAN

Fy ! quelle matiere !

LUCIFFER.

Par où la pris-tu ?

BERITH

Par derriere, Voyant le cul au descouvert.

LUCIFFER.

Or, qu'il n’y ait coing ne carriere D’enfer, que tout ne soit ouvert!