s Partager

Selon ce que voys et entens,

Nostre maitre nous fera riches;

Ne ressemble pas ces gens chiches Qui n’osent pas leur saoul menger,

ANTHENOR.

Nous sommes hors de tout danger Quant avons argent à puissance.

La chair bieu, bien prendray l’usance De le flater soir et matin ;

Tant feray que aulcun grant butin Me donra; present je m'en doubte.

AMAURY

Velà vostre part; somme toute, Faictes-en ce que vous vouldrez.

ANTHENOR.

Par devers nobis vous viendrez; Je prendray cecy et tant moins.

AMAURY

Quant nous deux aurons les sacz plains, Il fauldra de luy congé prendre.

Mais avant il nous fault contendre

À le servir de belles bourdes

Pour tousjours attraper du caire ?.

ANTHENOR.

Je sçay tout ce qu’il y fault faire :

Baver, flater et bien mentir

Font souvent les flateurs venir

En grant bruyt ?, ès court de seigneurs

LE CHEVALIER

J'ay regnom sus tous les greigneurs * Pour mes largesses et honneurs Que fais à tous ceulx de ma terre.

Certes, tous mes predecesseurs Ne furent oncques possesseurs De tant de biens sans avoir guerre.

Si tost que aulcun me vient querre, Ung don je luy octroye bonne erre 5, Et pour tant de tous suis prisé.

Grans possessions puis acquerre ; Mon plaisir par tout je vueil querre Pour estre miculx auctorisé.

Quant j'ay advisé

Et tout devisé,

Ung tel advis ay

Que mieulx m'en sera.

Homme desprisé,

De tous refusé,

S’il est accusé,

Nul ne l’aydera.

Mais moy, j'ay grant port*, Avoir et rapport,