TOUS DEUX

Grant mercy.

Pensons tous d’aller à l’esbat.

AMAURY

S'aulcun galant vers nous s’abat, Pourveu qu’il soit de lieu de bien, Nous trouverons quelque moyen De jouer à quelque bon jeu.

ANTHENOR.

Vous dictes bien, par la mort bieu ; Encores ay-je cinquante escus.

1, « Prodigue, donnant avec abaudon, sans y regarder, »

LE DYABLF.

Si je puis venir au dessus De ce Chevalier, par mon art, Je le tireray de ma part, En despit de sa faulce femme, Qui ainsi chascun jour reclame Celle Marie !, qui tant nous fait De despit et noz gens retraict Par sa très orde baverie.

Par mon barat et tricherie * Les auray tous deux, se je puis.

On sçait bien que cautellu* suis Assez pour trouver la manière De le faire en quelque manière Chcoïr en voye de desesperance.

Or, avant, il fault que m'avance D'aller faire mon entreprise.

LA DAME

Aller je m’en vueil à l’eglise Pour ma prière humblement faire Devers la Vierge debonnaire Qui porta le doux createur, Affin qu’elle garde d'erreur Mon mary et que par sa grace Veuille que son saint plaisir face.

Cy endroit m'agenoulleray Et ma requeste lui feray.

O doulx confort, dame d’auctorité, Noble sejour où la divinité Se reposa pour les humains guerir; Tresor joyeux de grande dignité, Lys odorant par ta virginité, Jesus portas, qui tout peult remerir *.

Très humblement à toy viens recourir Et à genoux icy te requerir Que ta grace sus mon mary oppaire.

Par toy gardé soit, dame, de mourir Vilainement, si que ne puist perir Sa poyvre ame par aulcun vitupère.

Doulce Vierge, tresor très plantureux, Advocate des pouvres langoureux Qui sont tentez par leur fragilité, Vers toy je viens, cueur très amoureux, Fay que sente ton confort savoureux, Car tu congnoys ma grand necessité.

Las! mon mary, par prodigalité, A consummé et fort debilité Son domaine et sa possession.

Par toy, Vierge, soit stabilité En bonnes mœurs, et de mal acquité Pour le saint nom de ta Conception. Tu as tant fait vers Dieu pour les humains, Que de peril tu az engardé maintz Et delivrez d'enfer. Doulce Marie,