Asjourd'hui

J'ay cy commis ! Ay très mal faict ; J'ay diffamé tout mon lignage, J'ay dissipé mon heritage Par fol couraige ?.

À peu que ne me pende fait ?.

0 dueil passif et oultrageux!

O ennemy fier et courageux!

O quels lours jeux J'ay perpetré par ma follie!

Abisme de mal envieux, | Me sourdra de ire en tous lieux #.

Mes dolens yeulx | Seront plains de melancolie.

C'est dommaige qu’on ne me lye Au gibet pour finir ma vie.

Quel villennie Je fais à tous chevalereux *.

J'ay perdu toute seigneurie; Chascun de moy faict mocquerie Et me harie #, Et tout par mes faiz vicieux.

Ha, Mort, viens tost à moy bonne erre, Prens ton dard et sus moy le serre Sans terme querre.

Mort, Mort, acours, je te requiers.

Que ne me engloutist la terre Pour les maulx qu'ay voulu enquerre !

Mort, Mort, deserre Ta fureur; plus vivre ne querre.

Je n’ay plus rien de quoy payer ; On ne se veult en moy fier :

Car desirer ; Ay voulu, sans riens enquerre.

On me souloit auctoriser Pour mon esta, et hault priser ; Mais dissiper Me veult chascun et mener guerre.

LA DAME

Le cueur me deult fort et me serre Pour mon seigneur, que venir voy Tout seul. Il a, en bonne foy, Quelque chose qui n’est pas bonne.

Pieçà ne le vis sans personne Venir, comme il fait maintenant. | Monseigneur le très bien venant, Comment vous va ? quelle chière?

Quant j'aperçoy vostre manière,

Vous me semblez tout esbahy.

Estes-vous troublé?

LE CHEVALIER

Helas, ouy, Et cause y a, ma doulce amye.

LA DAME

Helas, pour Dieu, ne vueillez mye Vous troubler si amerement, Que pis vous en soit nullument ;