Plaid, plaidoirie, débat

Car de par moy vous demourrez.

LA FEMME

Cherchez doncques si vous voirrez En la rue quelque varlet.

JAQUINOT.

Cela n’est point à mon roulet.

LA FEMME

Et sà, la main, mon doulx amy, Car de me lever ne suis forte.

JAQUINOT.

Amy ! mais ton grant ennemy; Te vouldroye avoir baisé morte.

LA MÈRE

Holà, hauit !

JAQUINOT.

Qui heurte à la porte ?

Ce sont vos grans amys. Par Dieu, Je suis arrivée en ce lieu Pour sçavoir comme tout se porte.

JAQUINOT.

Très-bien, puis que ma femme est morte.

Tout mon souhait est advenu ; J'en suis plus riche devenu.

LA MÈRE

Et est ma fille tuée ?

JAQUINOT.

Noyée est en la bucc.

LA MÈRE

Faulx meurdrier, qu’esse que tu dis?

: JAQUINOT.

Je prie à Dieu, de paradis, Et monsieur sainct Denys de France

Que le dyable lui casse la pance Avant que l’ame soit passée.

LA MÈRE

Helas, ma fille est trespassée.

JAQUINOT.

En teurdant !, elle s’est baïssée; Puis la pongnée est eschappée ?

Et à l'envers est cheute là.

LA FEMME

Mère, je suis morte, voyla, Se ne secourez vostre fille.

En ce cas je seray habille.

Jaquinot, la main, s’il vous plaist.

JAQUINOT.

Cela n’est point à mon roulet.

LA MÈRE

Vous avez grant tort en effaict.