Voici d'ou vous ne vous relèvercz plus

Ce n’est pas grant gloire, Mais fol ne veult croire Taut qu'il est souspris.

BANCQUET.

J'ay mort desservie, Par cruelle envie, Pour estre trop fin.

DIETTE.

Fol est qui desvie, Car de malle vie Vient mauvaise fin.

BANCQUET.

Finesse m'affine ; Je meurs et deffine, Honteux, en ce lieu.

DIETTE,.

Qui à mal s’encline, Tost chiet et decline, Quant il plaist à Divcu.

BANCQUET.

Adicu mes esbats!

Ils sont mis à bas. Plus n’ay de demain!

DIETTE.

Il fault dire : Helas !

BANCQUET.

Je suis prins au las!

DIETTE.

Voire soubz ma main.

BANCQUET.

Adieu, friandises petites, Sucre, coriande, aniz,

Girofle, gingembre, peniles, Saffran plus luisant que verniz, Sucre candis pour les poussifs, Triassandali que on renomme, Poivre, galingal et massis, Mus, muscade et cynamome {!

Pour ce que j’ay bien fait gaigner Les medecins bons et parfaictz, Car ilz ont eu à besongner

A guerir les maulx que j’ay faictz, Veu qu’ilz sont riches et refaictz; Je veulx qu'ilz me facent promesse, Que, pour mes pechez et meffais, Chascun fera dire une messe.

0 jeunes gens, qui mon cas regardez,

4. C'est la liste de toutes les épices employées dans les sauces, et dont nous avous cu à parler plus haut,

Gardez, Tardez

De faire abusion ; Corrigez-vous, vostre vie amendez, Mondez, Fondez, En bonne intention, Vostre occupation, Vostre operation Soit en devocion, Et jour et nuyt Fuyez decepcion; Avez oppinion Et recordacion, Que peché nuyt.

LE BEAU PERE

Mon amy, soyez tout reduit

De prendre, pour bon saufconduit,

Jesus qui souffrit impropere ; M'entendez-vous?

BANCQUET.

Ouy, beau perce.

LE BEAU PERE

Pensez à vostre conscience, Prenez la mort en pacience, Et la honte et vitupere :

M'entendez-vous?

BANCQUET.

Ouy, beau pere.

LE BEAU PÈRE

Tenez la foy.

Aussi feray-je.

LE BEAU PERE, Soyez constant.

BANCQUET.

J'ay bon couraige.

LE BEAU PERE

Pensez à Dieu.

BANCQUEFT.

En luy j'espere.

LE BEAU PERE

M'entendez-vous ?

BANCQUET.

Ouy, beau pere.

Justice m'est amere mere 3,

Quant de la mort m’assigne signe :

Justice se confere fere , Qui ma paine declaire clere,