Décidés à

SOTTIE DU PRINCE DES SOTZ. 303

SOTTE FIANCE

Les Princes y contrediront.

SOTTE OCCASION

Jamais ilz ne consentiront Que gouvernez le temporel.

LA MÈRE

Veuillent ou non, ilz le feront Ou grande guerre à moy auront Taut qu’on ne vit onc debat tel.

PLATE BOURCE

Mais gardows l’espirituel, Du temporel ne nous meslons.

LA MÈRE SOTTE

Du temporel jouyr voullons.

SOTTE FIANCE

La Mère Sotte vous fera Des biens; entendez la substance.

FREVAULX.

Comment ?

SOTTE FIANCE

El vous dispencecra De faire ce qu’il vous plaira, Mais que tenez son aliance.

CROULECU.

Qui le dit?

SOTTE OCCASION

C’est Sotte Fiance.

Je suis de son oppinion.

Gouvernez vous à ma plaisance; Contente suis mener la dance, Je, qui suis Sotte Occasion.

MÈRE SOTTE

[1 sera de nous mencion

A jamais, mes suppotz feaulx;

Se faictes mon intencion

Vous aurez, en conclusion, Largement de rouges chappeaulx.

PLATE BOURCE

Je ne me congnois aux assaulx.

LA MÈRE SOTTE

Frappez de crosses et de croix.

PLATE BOURCE

Qu'en dis tu, abbé de Frevaulx ?

FREVAULX.

Nous serons trestous cardinaux, Je l’entens bien à ceste fois.

CROULECU.

On y donne des coups de fouetz*:

Et je enrage quant on me oppressc.

MÈRE SOTTE

Mes suppotz et amys parfaitz, Je sçay et congnois que je fais.

De en plus deviser, c’est simplesse.

Je voys par devers la noblesse Des Princes.

PLATE BOURCE

Allez, nostre Mère, Parachevez vostre mistère.

| MÈRE SOTTE

Princes, el seigneurs renommez, En toutes provinces clamez, Vers vous viens pour aucune cause. LE SEIGNEUR DU PONT ALLETZ.

Nostre Mère, dictes la clause.

LA MÈRE SOTTE

Souslenir vucil en consequence Devant vous, mes gentilz suppotz, Que day avoir preeminence Par dessus le Prince des Sotz; Mes vrays enfans et mes dorlotz !, Alliez vous avecques moy.

LE SEIGNEUR DE JOYE

J'ay au Prince promis ma foy, Servir le vueil, il est ainsi.

LE SEIGNEUR DU PLAT

Je suis son subgect.

LE PRINCE DE NATES

Moy aussi.