FARCE D’UN CHAULDRONNIER

Sainct Coquilbaut, je vous adore !, Mais que diable ont-il en la gorge ?

Il ne se remuoit point un grain.

Hau, damoyselle de haudin,

Qui estes icy st propette,

Dieu vous y sache, ma brunette, Et je vous prie, ma godinette, Que un petit parlez à my,

Et si m'appellez vostre amy

En souriant. Heu voicy fier!

Chair bieu, je vous feray parier

L'un ou l’autre, comme il me semble.

À, par mon ame, elle ressemble

A Venus, déesse d'amour !

Quel muscquin ?! Dieu, quel recour !

M'amye, allons, que je vous flatte; Vous avez la chair delicate,

Si estes patiente et doulce.

Elle souffre que je la touche Plaisamment du tout à mon nez.

Par bieu, mon musequin parez, Baiser vous vueil et acoller.

L'HOMME

Le dyable te puist emporter, Truant, paillart!