LA SECONDE FILLE
O qu'ilz sont sotz, et vuydes de raison, Ceux qui ont dit une amour vertueuse Estre à un cœur servitude et prison:
Et pour aymer, la dame malheureuse.
Leur faux parler ne me rendra paoureuse D'aymer tresfort, sachant que tout le bien, Au prys d'amour, se doit estimer rien.
Car qui amour ha dens son cœur enclose, Il trouvera liberté son lyen,
Et ne scauroit desirer autre chose.
LA I. FILLE
Mieux me vaudroit tenir la bouche close, Que soustenir qu’il vault micux à un cœur D’estre vaincu, que d’estre le vainqueur
De ceste amour, que vous louez si fort,
LA 11. FILLE
Comme vaincu? Mais il en est plus fort.
Car le cœur seul, sans amour, n’est que glace.
Amour est feu, qui donne lustre, et grace, Vie, vertu, sans qui le cœur n’est rien.
LA I. FILLE
La liberté est suffisant moyen
Pour dechasser du cœur et paour, et honte.
Et quand à moy, je ne puis faire compte De riens qui soit, qui le puisse arracher Hors de mon cœur.
LA II, FILLE
Je ne veux point tascher De vous oster ceste vertu aymée:
Mais je dis bien, que Liberté aymée Doit estre amour.
LE VIFILLARD ET LES QUATRE HOXMES.
LA I. FILLE
Or pour conclusion:
Vous soustenez plaisir, et passion, Estre tout un, ce que ne puis entendre.
Mais liberté m'a tres bien fait apprendre, Que tout plaisir en elle on peult trouver.
LA II, FILLE
Mais c’est Amour, qui le fait renouver !, Car quand je puis aupres de moy tenir Celuy que j'ayme, mal ne me peult venir.
… Et tous les maux, qui me sont advenurz,
Je ne sçay plus lors qu’ilz sont devenuz.
En ceste Amour, et en ce grand plaisir La liberté seule se peult choisir,
LA 1. FEMME MARIEE,
Il fait grand mal à femme honneste et saze, Qui craint son Dicu, et ayme son honneur, Quand son mary par un meschant langage Ignorer veult la bonté de son cœur.
Si ma beauté merite un servileur,
De qui je suis honorée, et aymée,
En dois je moins (pourlant) estre estimée, Puis que mon cœur n’est de vice taché?
Non: mais plustost devrois estre blasmée, Si je faisois de non pecher, peché.
LA I. FEMME MARIEE.
De vraye amour autre amour reciproque, C’est le parfait de son plus grand desir.
Mais si amour de l’autre amour se moque, Pour autre amour trop moins digne choisir, C’est un ennuy, qui ne donne loisir, Temps, ne repos pour trouver reconfort.
Le desespoir est pire que la mort,
Et jalousie est un vray desespoir.
O foy rompue, ct trop apparent tort,
Par vous me fault pis que mort recevoir.
LA I. FEMME
Or sus, ma sœur, vous pensez donc avoir Un plus grand bien, que nommez jalousie :
Mais ce n’est riens, que d’une fantasie,
