Avaut que

‘ LA VIEILLE. 353

Nous feit vouloir scavoir nostre adventure.

Le temps, les ans, le sens, et l’escriture De ceste dame apparentement ! sage

Nous feit ouvrir le secret du courage,

Dont riens, que mal, n’avois peu recevoir.

Nous concluons par tout nostre langage, Que de scavoir l’advenir, c'est l'ouvrage

De celuy seul, qui sur tous ha pouvoir:

Lequel prions, selon nostre devoir, Qu'ainsi que roy en terre il vous fait voir, Vous doint regner au ciel pour heritage.

LE VIEILLARD

Ma bonne Dame, ou allez vous?

Ou portés vous ceste jeunesse ? En bonne foy, mon amy doux, Sur un lict par grande foiblesse.

LE VIEILLARD

Je voy là bien grande jeunesse.

En venez vous?

LA VIELILE.

Ouy, de ce pas.

Vray leur ay dit, comme la messe *:

Mais quoy? ilz ne m'en croyent pas.

LE VIEILLARD

J'y vois parler par tel compas, Que je croy que lon m'entendra.

LA VIEILLE

Leur cerveau donc s’amendera, Car je leur ay dit.

LE VIFILLARD.

J'entens bien.

Mais confermant vostre entretien, Je leur en diray d'avantage.

LA VIFILLE.

J'aticndray voir, si son langage Sera mieux, que le mien, receu.

LE VIFILLARD, Dames, si je ne suis deceu, Trop grandement vous fourvoyez, Dont ceste dame ne croyez.

LE I. HOMME

Que veult ce vicillard à ces dames? Qu'il est caduc et defailly!

LE II. HOMME, Pensez qu'il veult sauver leurs ames, Sans que de nous soit assailly.

LE 11. HOMME

Pas n’aurons le cœur si failly, Que d’un vieillard poulser ne battre.