Est d’une pensée de choix

Pourveu que! vous n'avez aultre hoir.

Je dis avec vostre vouloir :

La chose n’en peult qu’amender à.

L'EMPEREUR

Chappelain, faictes luy mander Qu'il viengne tost par devers nous.

LE CHAPPELAIN

Escuyer !

L'ESCUYER

Que voulez-vous ?

LE CHAPPELAIN

Allez, comme bon serviteur, Vers le nepveu de l’empereur; Qu'il s’en viengne diligemment Pour son bien et avancement.

A coup * son oncle l’a mandé.

L'ESCUYER

Puisque le m'avez commandé, Mon message luy yray dire.

LE NEPVEU

L’ardeur qui me tire

Me vient tire à tire,

Par quoy je m’entire

En angocsse dure,

Sy ne sçay que dire

D'une que desire ;

Car son escondire ,

Si fault que l'endure,

Me seroit poincture

Et aspre morsure

Plus dure que rage,

Car, pour sa traicture

Et plaisant figure,

Trop fort me figure

Et corps et courage *.

Amour, quel hommaie

Pour son puccllaige

Et quel vasselaige

Vous pourrai-je faire ?

Mon haultain lignage

Et noble bernage

Ne faict avantage

Qui me puisse plaire.

L'ESCUYER

Sire, ne vous vueille desplaire, L'empereur à conseil vous atant, Qui à vous pourveoir fort contant*.