Enlevée

— mn —

Et virginité

Vueillez estre encline !,

0 vertu divine

Qui tout enlumine

Et sur tout domine,

Vueillez-moy garder,

Par ta grace digne,

Que mon temps se fine ?

En pureté fine,

Sans moy violler.

BERTAULT.

Guillot, je l’ay ouye parler, Despechons nous avant à elle.

GUILLOT

Dea, gardons qu'il n’en soit nouvelle;

Chascun de nous seroit destruit ;

Car s’elle crie ou maine bruit,

Tant que le monde il y acoure,

Il fauldra partir de bonne heure

Et montrer les tallons aux gens.

BERTAULT.

Nous n'avons garde que sergens N’autres mettent sur nous la main; Nous luy jouerons d’ung tour fin.

GUILLOT

Voire, mais comment ?

BERTAULT.

Ce m'aist dieux!

Il lui fauldra bander les yeulx D'une cornette * gentement.

GUILLOT

Or y va donc premierement, Et je serai de costé toy.

BERTAULT.

A cop, à cop"!

LA FILLE

Ha! laissez-moy, Messeigneurs; vous avez grant tort.

GUILLOT

Or vous taisez, fille.

LA FILLE

A la mort!

Vray Dieu, vueillés-moy sccourir.

BERTAULT.

Dy, Guillot, pensons de courir.

Devant que quelc’un nous esmouchef.