Réputation (bruyt) ni renonmée (fama

Pour certain que morte sera;

Je concède bien sur cela

Que l’allez veoir et que parlez,

Par la treille ?, qui est yla,

Trestout le miculx que vous pourrez.

LA FILLE

Grant mercy, sire; vous m'avez

Remply le cueur de toute joye.

ORACIUS.

Or sus, à coup, or l’'emmenez, Comme il est dit.

LE SERGENT

Je n'attendove Aultre chose. Sus, sus, en voye ?, Venez-vous-en en la prison; Plus vous n’empecherez la voye; Voicy voz dernière maison.

LA MÈRE

Obéyr doy, c'est bien raison, Encore me faict-on grant'grace.

Que mauldile soit trahison ! Celuy est fol qui la pourchasse.

LA FILLE

Je vous lerray en ceste plasse :

Ung peu voy jusques à l’hostel, Ma mère.

LA MÈRE

Las ! en briefve cspasse Retournez , pour mon dueil mortel Appaiser. O Dieu immortel,

Que voicy pitculx accidans, Mourir me fauldra cy-de-dans.

LE SERGENT

M'amye, aussi comme j’entens, Jamais ne partirez d'icy,

Folye est si à vuyder prétens Crier vous fault à Dieu mercy.

LA MÈRE

Mon cher amy, il est ainsi :

Mon Dieu, donnez-moy patience Contre mon csmoy et soulcy,

Et pardonnez-moy mon offence.

Il est grant temps, comme je pense, Que en prison soye retournant,

Où ma mère est, par sentence, Sans estre beuvant ne mengeant.

Je viens d’habiller mon enfant ;

Il est couché, dont je m'en voys, Affin d’estre reconfortant

Ma mère en son cruel esmoy.

LA MÈRE, Mon Dieuet souverain roy,