S. MICHIEL

Alons, compains*, pas ne faura À nous que nous ne voison dire.

Cy parle à Pharon Michiel et Gabriel,

Pharon, saches que notre sire Veult que de Loy soit visité Fiacre; car, en vérité, Pas longuement ne vivra.

De par toy porté li sera Le Saint Sacrement, c’est raison Et ne te part de la maison Devant qu’il sera en terre.

Il a le cuer de mal serre :

Va le véoir.

S. PHARON.

Il me devroit bien meschéoir® Se le plaisir Dieu refusoie.

Tantost yray ; se je targoie® Je feroye haulte folie.

J'ay la voiz dez anges oïe.

Cy parle à son chapelan.

Chapelain, avec moy venez, Et notre clerc y amenez Par compaignie.

LE CHAPELAIN

Haston nous; se il perdoit vice, Ains que”? nous y fussions venuz Pour faulz en serions tenuz.

Cy parle au clerc.

Clerc, vien avec nous sanz atendre; L'iaue bénoiste te fault prendre, Sanz respit faire.