Combien

LES TROIS GALANS. 451

Et syn'avoyt denier ne maille; Il requapa ! vaille que vaille, Mais on le print par le colet.

LE PREMIER

Voecy quelque bon sotelet, Vers luy il se fault adresser.

LE DEUXIEME

Y nous fera le temps passer A le veoir.

LE TROISIEME

Y dort ou il ronge.

LÉ PREMIER

Que faictz tu, mon amy?

LE BADIN

Je songe.

LE DÉUXIEME.

Tu songes et tu ne dors pas?

LE BADIN

Vous n’entendés pas bien le cas.

L£ TROISIEMÉ.

Comme quoy ?

LE BADIN

Je veille et sy 3 dors.

Pourtant sy je branle le corps, La teste dort.

LE PREMIER

C’est aultre chose.

LE BADIN

Al je ne peulx plus faire pose; Il me fault vitement aler,

Voyr ma mere, pour reveller Le grand secret de ma science.

LE DEUXIEME

En as tu?

LE BADIN

Par ma conscience, Ma teste n’en peult tant porter.

LE TROISIEME

Devant que de te transporler?, Conte nous quelque cas nouveau.

LE BADIN

Mais que nostre vache ayt vellé, Bien sauray qu'el ara un veau.

LE DEUXIEME

Il est grand clerq.

LE BADIN

Et noble voire.

{. Pour «il réchappa ».