LA TAVERNIÈRE

Volentiers l’arez, c’est sanz guille ?; Je vois querre la pinte plaine.

Cy voise quérir du vin et puis die :

Tenez, buvez à bonne estraine Paisiblement.

LA FAME AU SERGENT

Vous buvrez tout premièrement, Commère, vous estes l’ainée.

Aussy m'avez aporliée La nouvelle premièrement De mon mary qui malement Est atourné ; j'en ay grant feste.

Je vouldroie qu'eust la teste Parmy brisiée #.

LA FAME AU VILAIN

Buvez bien, commère prisiée;

Que Dieu confonde nos maris!

Emplons * de ce moult nos baris, Car il est fin.

LA FAME AU SERGENT

J'en empliray sy mon coffin #, Que seray ivre bien le pensse.

Se mon mary me fait offense Ou veult estrivier de riens née Puis qu’il a brache ? brisiée, Contre terre le bouteray.

Jamais ne le deporteray

Se me gart Diex.

LA FAME AU VILAIN

Mon mary fuet en nos tortiex ?, Oncques ne fu de moy ané Il vendra tout affamé.

Mais ne m'en chault 1°.

LA FAME AU SERGENT

Buvon se moult friant et chault.

Mal ait qui bien ne buivra!

Je croy que grant bien nous sera ; Quant je l’avale, j'en ay feste, Il m'est jà monté en la teste :

A paine me puis soustenir, Et sy voy mon mary venir Tout droit dedans ceste taverne.

Assez fièrement se gouverne; Ne semble pas qu’ait bras quassé.

Il ne semble pas trop lassé :

Je suis perdue.