AU LECTEUR, S
uoy que plusieurs se soyent efforcés, et de faict ayant redigé par escript tant en Latin qu’en Françoys ce tressainct
RE A et treschretien pelerinage, ce neantmoins, cn quetun ’ayes aucune cause de penser que cestuy cy soit cueilly des aultres ou comme repetition d’iceulx, amy Lecteur, je te vueil bien oster de ceste doubte et t’advertir, premier que plus avant tu passes, des singuliers prouffits et commodités de ce present livre. Lesquelles après que tu auras bien congneues, espere que bon vouloir ne te deffauldra ne le desir de poursuyvre ceste lecture d’ung bout à aultre. Car que sçauroit il estre plus agreable, je ne diray pas seullementaux bons espritsesmeus d’entiere devotion pour visiter les Saincts Lieux, mais encore
à ceulx qui journellement prennent delectation à choses nouvelles et plaisantes, que de veoir quelque abondante et veritable description de tant de belles provinces, villes, chasteaulx, et aultres choses semblables. Et ce non seullement encor, mais aussi les diverses manieres de vivre observées par plusieurs nations, lesquelles on voit au discours du voyaige de la Terre Saincte; plus encor, les choses rares et dignes de memoire tant d’antiquités comme aussi des sainctes reliques qui se treuvent en plusieurs lieux dudict voyaige. Quoy lisant et bien considerant, doubter ne me puis que assez tu ne loues sur ce la singularité de maistre Denis Possot, prestre de Coulemiers, et de messire Charles Philippe, seigneur de Champarmoy et Grandchamp, procureur de messire Robert de la Marche, mareschal du Roy de France : desquels telle a esté la diligence que bien à peine croy qu'il soit possible qu'aultres esprits en ceste affaire les ayent ou bien puissent encore surmonter. Comme ainsy soit que bien appaire,comment de lieu en lieu, tousjours ayent eu la tablette en la main pour escripre, et ne se soyent lassés de rediger et ordonner par memoire jusques aux minimes choses, lesquelles en passant et poursuyvant leur entreprinse ils pouvoient apparcevoir : pour en ce satisfaire à la volunté de plusieurs esprits curieulx, ausquels ne suffit pas entendre que telles et telles villes senomment ainsy et ainsy, mais encor veulent sçavoir ce qu'il y a dedens, qui les fit, quoy et com-
VOYAIGE DE HIERUSALEM s
ment, ce qui ne peult proceder que de bon zele et volunté bien ordonnée. Et à mon soubhaïit que quelqu’un des anciens Romains nous eust laissé par memoire quelque chose semblable des pays qu'ils tenoient en leur dition et subjection, à mon advis que ce trop nous serviroit à l’intelligence des bons autheurs, lesquels journellement, avec grande dilligence, nous traictons et fueilletons. Au cas pareil, je ne doubte point que les dessusdicts autheurs et compositeurs de ce present livre ne soient ung temps advenir couronnés de grandes louanges de ceulx principalement qui, traictans les livres ausquels est souvent faicte mention des pays estranges, auront desir de congnoistre et entendre l’ample et entiere description d’iceulx pays.
C’est ce de quoy je te vouloye advertir, amy lecteur. Or poursuys donc si bon te semble, et sçaches bon gré à ceulx par qui tel tresor te vient entre les mains.
S’ensuyt la table des villes, villages et distances des lieux par lesquels passeront les pellerins de ce present voyaige depuys Nopgeant sur Seine jusques en la saincte cité de Hierusalem.
Et premierement de Nogeant sur Seine à Lyon.
A Sainct Aulbin. Au Pavillon. Aux Trois Maisons. . À Troys, ville.
A Bremande.
A Foucheres.
A Bar sur Seine, ville.
A Ville Neufve.
A Boxeul.
A Neufville.
À Gyé.
Au Courteron.
À Mussy l'Evesque, ville.
Cherre Thierry.
Villiers lès Potiers.
ChastillonsurSeine, ville.
Varene.
Boncey.
Sainct Marc.
Baigneux.
La Perriere.
Chanceaulx.
Champigny.
Sainct Seine.
Dyjon, ville.
Barrigny.
Nuyz.
Beaulne, ville.
Chalon, ville.
Derou.
Sevré.
La Ferté sur Grosne.
Tornut, ville.
Montbelet.
Chantarbain.
La Fausse.
Sainct Jehan de Preschan.
Mascon, ville.
Belle Ville, ville.
Sainct George.
Villefranche, ville.
Anse, ville.
Lyon, ville.
Et de Lyon à Venise.
Sainct Laurens.
Poullieu.
La Verpillere.
Bourgoin, ville.
Scneu, ville.
La Tour du Pin.
Le Pont Beauvoysin.
Le Pin.
Aïcucbellette.
Cambery, ville.
Montmelian, ville.
Aiguebelle, ville.
EE
