Maintenant

JIIÉSUS DEVANT CAÏl»Illi:. 7i

Nembroth.

Voicv la façon :

ils haïssent Jhésus à mort, aidons la haine qui les mord, et tesmoignons ou vray ou faux.

Phares.

J'ay de ma part vingt cas nouveaux.

Nembroth.

Ainsy le menons à sa perte.

Icy revient le héraut Maiicourant.

Maucourant.

Que rassemblée* soit ouverte,

s'il plaist à vostre honneur, messire.

Caïphe.

Or, messeigneurs, je vous veulx dire, puisque je vous vois tous ensemble, pour quelle cause vous assemble.

Un homme de mauvais renom, nommé Jhésus en propre nom, a esté remis fen nos mains chargé de plusieurs cas hautains, et nous voulons de vous enquerre s'il est homme de quelque terre qui sache parler de ses faultes.

Rabanus.

J'en connais bien, et des plus hautes.