FUNÉRAILLES DE CHARLES VI

u cUct an mille quatre cents vingt et deux , le vingtiesme [jour d'octobre, alla de vie à |lrcspasscnient, très noble et 2très clireslien prince, Charles roy de France , sixième de ce nom , qui régna quarante trois ans. Durant lequel temps, feut moult troublé de maladie au cerveau, et avoit mestier de bien grande garde. Et tre^ passa eu Thostel de Sainct Paul. Et en son temps feut piteux, doux et bénin à son peuple, servant et aimant Dieu, et grand aumosnier. Et combien que on dict que au temps passé, on laissoit les rois, trois jours morts en leur lict, le visaige descouvert, toutesfois on ne le laissa que un jour entier, et le veoit on qui vouloit. Et avoit le visaige aucunement coulouré, et les yeux clos, et sembloit qu'il dormist. Le dict jour après midy, les chanoines et gens d'église du palais veindrent à Sainct Paul et en la prc'sence du corps dirent vigiles des morts. Et le lendemain, une messe, le plus solemnellement qu'ils peurent. Et après feut mis en un coffre de plomb, garni de plusieurs choses odoriférantes. Et y feut jusques au neufiesme jour de novembre. Pendant lequel temps , les collèges des églises de Paris , tant séculiers que réguliers, et ceux de l'Université, disoient sans cesser messes, tant haultes que basses, et autres prières, pour le salut de son âme. Le neufiesme jour, feut porté de son hostel de Sainct Paul à Nostre Dame de

Paris. Et en la compaignée estoient tous les gens d'église de Paris, tant mendians que autres, le collège de Navarre, et les auires collèges de l'Université de Paris avec peuple infini, faisans dueil, lamentations et pleurs , non sans cause. Et ce jour ne feut rien ouvert, merceries ne autres marchandises , non plus qu'à un jour de grande feste. Et estoit grande pitié d'ouïr les douloureuses com-^ plainctes du peuple. Ceux de Tescuirie le portèrent. Et dessus avoit un paille noir , en forme de ciel , que portoient les eschevins de par la ville de Paris. Autour, devant et derrière avoient deux cents torches, pesans de cinq a six livres chascune. Le duc de Bethford, vestu d'un manteau nwr, et un chapperon à courte cornette l'accompagnoit. Hélas! son fils et ses parens n'y pouvoient estre à l'accompaigner, et estoient légitimement excusez. Et vous , duc de Bourgongne , qui en sa vie l'avez mis es mainsde ses ennemis, vous avez sçeu la maladie telle qu'il n'en pouvoit eschapper , et sçcustes la mort. Et délàia-on , en intention que yfeussiez.Et encores eust-on plus attendu , si l'eussiez mandé. Et n'y veinstes aucunement. Et ainsi en sa vie et en sa mort Tabandonnastes. Ce que plusieurs gens entre leurs dents disoient, et aucuns assez haultement , tellement qu'on le pouvoit entendre. Par les collèges de Paris, en la dicte église de Nostre Dame furent dictes vigillcs solemnelles, et y veindrent, et feurent en procession. Et le lendemain à la messe. Et y

iimui

âmHf«*Hf*m*f#*«f*«fm**#**#**ii*^^

QUINZIEME SIECLE

avoit bieH en laminaire douze mille livres de cire en torches et en cierges. Et autour de la chapelle y avoit du drap noir aux armes du Roy, et aussi tout autour de Téglise. Et sur la porte de l'église deux grandes bannières aux armes du roy . Et après la messe et le service foicts, on print le corps et le porta-on jusques à Sainct Ladre. Et le portèrent jusques là ceux de Tescuirie. Et au dict lieu, autres prindrent le dict corps , et le portèrent jusques à la croix près du Lendict, nommée la croix aux Fiens, Et à le convoier, estoit le dît duc de Bethfurt, comme dessus vestu , et à cheval. Plus, ceux que on disoit de la court de parlement, la chambre des comptes, les eschevins de Paris, et la plus grande partie des gens d'église de Paris, avec foison de peuple. Et là, de Tabbaye de Sainct Denys veint l'abbé, et les religieux, vestus de très beaux et riches vestemens, la plus part semez de fleurs de lys, et avoient un paille en manière de ciel, soustenu sur six lances à mectre sur le corps. Et à la dicte croix , y eut aucunes difficultez, touchant l'exemption de ceux de Sainct Denys. Et à ki fin feurent d'accord et alLrent jusques à l'Hostel Dieu. Et lors huict religieux prindrent le corps , et le portèrent jusques dedans le chœurde l'église, en chant Libéra me. Domine, etc. Et estoit chose merveilleuse du luminaire qui estoit depuis la jwrto Sainct-Denys jusqu'à l'église et y eut nouveau luminaire qui montoit jusques à quatre mille livres de cire , et paremens faicts comme à l'église de Paris,

aux armes du roy, et bannières misesr. Et furent dictes vigiles bien et solemnellement. Et le matin feut dicte et célébrée la messe , que chanta , de la permission de l'abbé, l'évesque de Paris. A laquelle messe l'évesque de Chartres feit office de diacre, et l'abbé du dict lieu office de soubs-diacre. Et n'y eut personne qui allast à l'offrande, sinon le duc de Bethfort qui faisoit le dueil. Et la messe chantée, ceux del'escuirie prindrent le corps et le portèrent au lieu où il debvoit estre ensépulturé, en la chapelle du feu roy Charles cinquiesme son père. Et tonsjours le peuple lamentoit la petite compaignée qu'il avoit, comme dessus est dict. Et feut ensépulturé par l'évesque de Paris. Et ce faict, les François, Anglois commencèrent à crier : Vive le roy Henry de France et d'Angleterre, et crioient Noël, comme si Dieu feut descendu du ciel. Toutesfois plus y en avoit faisans dueil et lamentations, que autres. Maistre Pbilippesde Ruilly et Michel de Laillier, éxécuteui*s du roy mort , donnèrent à l'église de Sainct Denys, chasuble, tunique, dahnatique , et deux draps de soye perse , semez de fleurs de lys d'or. Et pour la charité des religieux, cent francs, et grandes sommes de deniers aux pauvres , à tous venans. Et combien qu'il y euet eu grand débat touchant le paille qui estoit sur le corps, disans plusieurs à eulx appartenir, toutesfois le grand maistre d'hostel du roy le print et le bailla aux dicts religieux, comme à eux appartenant.

trsi

^fHH*«fmHHH4iH*H«i4iH*i4«HHm^^^

QUINZIEME SIÈCLE