BOUCICAUT

Doresnavant entrons au propos que nous entendons à poursuivre, c'est de parler du vaillant Boucicaut, à la louange duquel véritable et sans flaterie, sera continué ce livre, à l’aide de Dieu, jusques à la fin. Fils fut du noble et très vaillant chevalier monseigneur Jean le Maingré, dit Boucicaût, lequel dict chevalier fut moult preud’homme et de grand sçavoir, et toute sa vie et son temps employa en la poursuite d'armes, et à l'exemple des vaillans anciens, qui ainsi le feirent, ne Iuy chailloit de trésor amasser, ne de quelconques choses fors d'honneur acquérir. Pour lesquels bienffaicts, et sa grand vaillance, et preud'hommie, au temps des grandes guerres en France, au vivant du chevaleureux roy Jean, fut faict mareschal de France, lequel servit ledict roy en ses guerres, si comme assez de gens encore vivans le sçavent si puissamment, que de présent est appelé et tousjours sera le vaillant mareschal Boucicaut. Et encores pour un petit toucher de la grand'ardeur et seule convoitise qu’il avoit en la poursuite d'armes, sans ce qu'il luy chalust de quelconque autre avoir, dirons de lui en brief, ce qu’il respondoit à ses parens el autres de ses amis, quand par plusieurs fois le blasmèrent de ce qu'il n'acquéroit terres et seigneuries pour ses enfans, veu qu'il estoit tant en la grace du roy : « Je n'ai rien, disoil-il, vendu, ne pensé à vendre de l'héritage que mon père me laissa, ne point acquis aussi n'en ay, ne vueil acquérir, si mes enfans sont preud'hommes, et vaillans, ils auront assez, et si rien ne vaillent, dommaige sera de ce que tant leur demeurera. »

Assez se pourroit dire de ce vaillant preud'homme, qui voudroit parler de ses faicts et vaillances : mais pour tirer à la matière dont nous espérons parler, à tant nous en souffrerons. Si ne forligne mie son vaillant fils, s’il est plain de bonté, car ainsi que dit le proverbe commun, de bonne souche bon syon (bon rejeton). Sa femme et mère de celuy dont nous faisons nostre livre, fut madame Fleurie de Linières, qui en son vivant estoit très bonne, belle, sage et très noble dame, et d'honneste vie. Né fut celuy dont nous parlons en Touraine, en la cité de Tours, et en baptesme eut nom Jean. Si fut chèrement tenu de ses parens, comme leur premier fils, et nourry joyeusement, comme il appartient à enfant de tel parage.

Mais le vaillant père, dont cy dessus avons parlé ne dura au fils que deux ans après sa naissance. Si trespassa de ce siècle, dont dommage fut au royaume de France, aussi à la noble dame sa femme, qui moult le pleura, et grand dueil en fist, et aussi fut grand perte à ses enfans.

Si fut cest enfant bel, et doucet, et très plaisant à nourrir, qui au veufvage de la mère feut grand reconfort. Car au feur qu'il croissoit, grâce et beauté croissoient et multiplioient en luy. Si fut enfant bel, plaisant, gracieux, et de joyeux visaige, un peu sur le brunet, et assez coulouré, qui bien luy fist. Si estoit avenant, joyeux, et courtois en tous ses enfantibles faicts. Et quand il fut un peu parcreu, la sage et bonne mère le fist aller à l'escole, et lui continua à y aller, tant qu'elle l'eut avec soy en ce temps de son enfance. Tout ainsi que dict le proverbe commun, ce que nature donne nul ne peut tollir: car quoyque l'on die, dès l'enfance de l'homme se peuvent appercevoir ses inclinations, de quoy que ce soit, si comme par expérience se peut chacun jour veoir.

A propos de ce que dict est dessus, dès l'enfance du noble mareschal Boucicaut, duquel nous espérons ramener à digne mémoire les très notables et beaux faicts par luy achevez et accomplis, au contenu de ce livre, estoyent en lui apparans ses belles, bonnes et honnorables conditions et inclinalions naturels : car ses jeux enfantelins estoyent communément de choses qui peuvent signifier faicts de chevalerie, et comme il est dict devant des susdits chevaleureux, nature prophétizoit en cestuy-cy les haults offices que Dieu et bonne fortune luy apprestoient à venir en son temps. Car il assembloit les enfans de son aage, puis alloit prendre et saisir certaine place, comme une petite montaiguele, ou aultre part, et avec luy Geoffroy son frère, qui en son parfaict aage a esté et est chevalier de très grand’emprise, fort et fier à ses ennemis, hardy et de grand couraige, et bel de corps et de visaige, et en si grand office comme gouverneur du Daulphiné ; et aussi Mauvinet, leur frère de mère, qui moult vaillant chevalier a esté en son vivant. Iceux estoient avecques luy, à garder le pas ou le lieu contre les autres petits enfans, à qui de la puissance chalengioient (disputaient) la place, et au-

LE LLÉT ES TETE TTTITET ET TT IE LV TEL TT TE IT LE TE ER BTE S LUE SET EL ETOILES SCT ET

GRR I RRIRRSRIRS SRRRRRIRRRRIRERRRER RRRRÈRRRRERER RL RERRERLARRRRLRERRE

CESESS

PÉTS ETS TEST TT SET ET ITT ICT IT OL TTSTTTET TEST TI EITTIITÉT SOIT SIT OS TE ET TETE TTEET ET ETTTTÉ TE TSTET STE ESETÉ

ler

DRE DE er SAC Se