‹ Les Allemands en France et l'invasion du comté de Montbéliard par les Lorrains 1587-1588 d'après des documents inéditsChapitre 16 sur 59 · XXX VII · texte numérisé non relu

XXX VII

Mandement du marquis de Pont aux troupes sous ses ‘ ordres, portant défenses, sous poine de mort, de faire aucune incursion hors du comté de Montbéliard.

De par monseigneur le marquis de Pont, general de l’armée,

Il est tres expressement deffendu à tous les cappitaines, chefz et conducteurs des gens de guerres, soldatz ou autres, de quelque qualité ou condition qu'ilz soient en ceste armée, de ne sortir et habandonner leurs quartiers, soit en trouppes ou à part, sans le congé de leurs cappitaines ou autres ayans charge de leurs commander, et ne courir ou fouraiger hors les terres du Conte de Montbeliart, et ce sur peine de la vye, leur enjoingnant de s'informer de ce qui sera desd. terres ou non, affin qu'ilz n’en pretendent cause d'ignorance, dont ilz ne seront neanlmoings excusables, et respondront les cappitaines de leurs soldatz, sur la mesme peine,

(1) Au verso est écrit: Extract auss einem schreib vom 11 januarii anno 88. |

Que lesd. soldatz n'yront au fouraige esd. terres dud. Conte de Montbeliart sans le congé et licence de leurs cappitaines, et que leursd. cappitaines leurs ayt donné quelqu'un pour les conduire et commander, ce que leurs enjoingnons sur lesd. peines.

Est en outre deffendu, sur les mesmes peines de la vye, à touttes personnes estantz en lad. armée, de quelque qualité ou condition qu'il soit, de desmolir ny mectre le feu en aulcuns des bastimens et maisons estans es terres dud. Conte de Montbeliart.

Faict au camp de Vandoncourt (1), le XII janvier 1588 (2).

Original sur papier.

Signé: HENRY. Contresigné : BARNET.

Lettre missive du colonel des troupes cantonnées à Etupes, demandant l'envoi de vivres et promettant d'épargner le village, si on lui donne satisfaction.

Hanc ancillam in hoc vestro vilagio repertam ad vos mittimus, aliquid istinc nobis ad manducandum et bibendum allaturam, quod si obtinuerimus, vilagium ab igne et alia molestia salvum erit, sin

(1) Vandoncourt, Doubs, arr. de Montbéliard, cant. de Blamont.

(2) Ce document à été publié par M. Ch. Duvernoy dans le Jourpal de l'Institut historique, année 1885, page 8.

— gg —

minus comburetur, vobis interim promittentes nihil damni eventurum fore, cui nobis monitione oneratum misseritis. Datum in Etup (1), dudecimo januarii 1588.

Colonellus militum levis armature qui hospitatur in Etup.

Original sur papier, sans suscription.

Bibliothèque de Besançon, collection Duvernoy.

Lettre missive d'Henri Farine, bourgeois de Porrentruy, notifiant à Jean Docourt, son cousin, que le baron de Sohwartsenberg exige une somme de 400 écus pour sauver de l'incendie les trois maisons dudit Docourt sises au village d'Audincourt.

Monsieur le licentier mon cousin (2), depuis nostre dernier depart de Montbeliard, j'ay conti-

(1) Etupes, Doubs, arr. de Montbéliard, cant. d'Audincourt.

(2) Jean Docourt, licentié es loix, était membre du Conseil de régence dès 1578; à cette date, les princes tuteurs du comte Frédéric lui imposérent l'obligation d'assister avec plus de régularité aux séances et délibérations du Conseil (Archives Nationales, fonds Montbéliard, K 1926). Il parvint à gagner la confiance du comte de Montbéliard qui, vers la fin de l’année 1589, l’envoya à Dôle avec une mission spéciale. Jean Docourt devait répondre aux demandes du gouvernement franc-comtois portant principalement sur l'’abolition du péage du pont de Voujaucourt, sur le prélévement d’une taxe par les fiscaux de Bourgogne à cause de la recherche de minerai d'argent à Damjoux, enfin sur le changement de religion des sujets de Luze et Chagey (fonds Montbéliard, K 1805). Jean Docourt mourut dans les premiers jours d'octobre 1597 laissant uv fils Samuel, et deux filles; la première, Anne Docourt, mariée en premières noces à Thiébaud Maigret, chancelier de Morspach, et en

— gg —

nuellement estez detenu en arrest en vostre maison où j'ay receu beaulcop de faveurs, biens et courtoisies de mons’ le baron de Schwartzenburg qui y est logez, cheff de cinq compagnies de chevaulx lanciers et carabins. Toutesfois à ce vespre est arrivez monsieur nostre Grosswoueble, qu'a appourté lettres de la part de mons’ de Guyse, par l'intercession et prieres qu'ont fait de nostre part messieurs les maistre d’hostel, chancelier et conseilliers de mon seigneur et prince l'evesque de Basle aud. seigneur de Guyse verballement au lieu de Vendoncourt, de maniere que tout ce que dix sept hommes lanciers que nous avoyent courrus nous sera restitué, comme led. seigneur baron nous a declairé. Et suis fort mary que n’estes demeuré en voz maisons, d’aultant qu'eussiez heu moings de domaige que n'avez. Au reste, led. seigneur baron ce jourdhuy après sopper m'a fait à declairer que je vous debvois escripre expressement par lettres que envoyeroit par sa trompette du bon matin, que sy vouliez que vos trois maisons qu'avez à Audincourt fussent preservées de feug et domaige, que luy debviez envoyer quatre cens escuz, et que sy ceulx du villaige vouloyent estres au semblable

secondes à Jean-Georges Moller, docteur en droit, conseiller du cardinal Andréas; la seconde se nommait Alexandrine. Par son testament, daté du 11 septembre 1597, il légua à sa fille ainée qui était d’un premier lit, les deux tiers d'une maison à Porrentruy,; à son fils Samuel, ses maisons d’Audincourt, avec ses livres, ainsi que les chaîne et médaille d’or qui lui avaient été données par le comte Frédéric; sa fille Alexandrine eut pour sa part les maisons et vignes de Seloncourt. Jean Docourt contracta plusieurs mariages, sa premiére femme, originaire de Porrentruy, s'appelait Marie Buchinger, la seconde, Françoise Vergier. (Archives Nationales, fonds Montbéliard, Z? 1678, Registre des Causes testamentaires, 6 octobre 1597.)

exempt de tel feug et domaige, qu'ilz luy en debvoyent envoyer trois cens, sinon qu'il mectroit au departir tout en feug et en cendre, ce que par moy entenduz estant fort plus triste et dolent que de mon propre detenement, luy feists gracieusement à respondre que je ne me pouvois ny debvois aulcunement mesler de tel faict, le priant humblement de me tenir pour excuser. Toutesfois il m'ordonna precisement et sans refus de le vous escripre, et que absoluement debviés deans les onzes heures du matin mander une responce, sinon mectroit le faict en execution, sur quel faict je feis rechieff prier Sa Seigneurie m’excuser de tel faict, voyre que n’estiés poinct des subjectz de monseigneur le comte, ains subjectz originel de mon seigneur et prince l'evesque de Basile et feodal d’icelluy, que n'aviez voz maisons à Audincourt sinon à cause du mariaige de vostre seconde femme, qu'aviés voz enffans en nostre ville de Pourrentruy aux escolles catholicques, voyre qu'estiés de la religion de mond. seigneur et prince, et que partant priois estre exempt à vous escripre tel fait, comme aussy de ne mectre le fait en execution. Sur ce sommairement il me feist à dire que voz debvois escripre cestes et qu'il scavoit le contraire par les lettres missives et livres qu'il avoit veu en vostre maison, voyre ne vouloit moings prendre, que m'occasionna à luy faire dire que Sa Seigneurie demandoit plus que vostre pourtée n’estoit, et que sy Sad. Seigneurie voz demandoit cent escuz non seulement pour la garantisse de feug des maisons d'Audincourt (1), mais aussy pour les deux de Seloncourt (?), que se seroit plus

(1) Audincourt, Doubs, arr. de Montbéliard, ch. L de canton. (2) Seloncourt, Doubs, arr. de Montbéliard, cant. de Blamont.

que trop, sur quoy me feist responce qu'il n'en prendroit moings des quatre, mais qu'il feroit garder de domaiges celles de Seloncourt par gens qu'il y envoyeroit, aussy bien que celles d'Audincourt, jusques à ce que toutes les trouppes seroyent passées. Que m’a occasionné à vous mander les presentes oultre mon gré ét volonté, mais vous pouvés estimer en quoy je suis constitué presentement et qu'il me convient obeyr. Par quoy, monsieur mon cousin, pensez bien à vos affaires et regardés quel moyen voulez tenir à ce que Dieu vous veuille preserver de telz inconveniens de grans feugs que sont esté ces jours passés à Mandeurre (1), Escurcei, Bondevaulx, Vendoncourt (2), et aultres villaiges de la seigneurie de Blamont. Il m'est d'advis que vostre presence envers Sa Seigneurie feroit beaulcoup, ou defferant et renvoyant le faict à mons” le prevost, mayre ou maistres bourgeois de Porrentruy pour capituler avec luy, et que aussy voz porroyent retirer seurement dehors, sy bien faire le vouliés, et que l'intercession de mond. seigneur et prince et de ses officiers que sont esté ce jourd'huy à Vendoncourt y proffiteroit aussy. Je n’ay encour entendus que ayent domaigez aulcungs subjectz aux coups qu'ung seul, sinon des vivres, de pillaige et de feug, et ne vous heust on pourté tel domaige, sy vos meubles, coffres, lictz et pappiers fussent esté en leurs places, comme on vous a fait, car les soldas que n'ossent entrer en voz maisons ne heussent heu le moyen de les recuillir parmy les vies. Vous ne fauldrez infailliblement d'envoyer à mond.

(1) Mandeure, Doubs, arr. de Montbéliard, cant. d'Audincourt.

(2) Ecurcey, Bondeval, Vandoncourt, Doubs, arr. de Montbéliard, cant. de Blamont.

seigneur du vin de la ville avec quelque aultre munition, n'y en y ayant presentement aulcung vin en vostre dicte maison, et ce pour rabiller la faulte que Jehan a fait, qui debvoit retourner, periculum est in mora, et pour vous garder de domaiges. Les soldas ont beaulcoup emportez de voz biens par les maisons du villaige, que l’on pourroit faire à restituer, en en faisant instance envers led. seigneur baron, comme aussy de vostre cheval et aultres choses; vous scavez beaulcoup mieulx qu'avez à faire que moy mesmes, et ne fauldrez de mander vostre intention aud. seigneur deans les onze heures, affin que pis n’advienne, me recommandant de tres bon cueur à vous et à mes amys, priant le bon Dieu qu'il vous veuille donner ses graces. De Audincourt hastivement, ce lundi au soir 12 de janvier 1588.

Vostre à jamais serviteur, cousin et amys,

HENRI FARINE, bourgeois de Pourrentruy.

Suscription : A Monsieur, monsieur le licentier Jehan Docourt, mon bon seigneur, cousin et amys, à Montbeliard.

Original sur papier.

Archives Nationales, fonds Montbéliard, K 1966.

Lettre missive de Vernier Vergier, prévôt de Porrentruy, et d'autres bourgeois de cette ville, parents du licsntié Jean Docourt, à l'adresse de Jean Guyot Lovy, prévôt de Deles, le priant de leur procurer le cheval tout équipé qu'exigeait le baron de Schwartsenberg pour épargner les maisons d'Audinoourt et Seloncourt menacées d'incendie.

Monsieur le prevost,

Ces jours passez nous susmes estez advertir que monsieurile baron de Schwartzberg estoit logez en la maison de monsieur le licentié Jehan Decourt, nostre cousin et beau frere, au lieu d'Adincourt, et qu'à son departement ilavoit desliberé de mectre le feug deans les maisons tant dud. Adincourt que Seloncourt, si donc l'on ne luy donnoit la somme de 400 escuz d'or, et ce une fois pour tout. Estans advertir de son dessein avons presenter requeste à mon seigneur et prince, lequel à la faveur dud. s° Decourt et de nous a rescript aud. s° baron de avoir esgard et respecté led. Decourt. À quoy led. baron à l'honneur de Son Excellence a quicter lad. ranson, à condition touttes fois que pour avoir memoire de sa grace, il auroiït desiré ung cheval et monture pour porter ung homme d'arme lancier, et selon que son estat mesme le requeroit; et pour ce faict a despescher deux trompettes pour nous faire scavoir son entier desir et resolution, moyennant quoy il mectroit des gardes esd. maisons pour icelles salver, ensemble des libvres, pappiers

et aultres meubles restans en lad. maison. Et pour aultant que ne susmes forny de telle monture ou cheval, estans advertir que pour le present en estes fornyr, nous vous prions pour le respect et advancement dud. s' Decourt, que sans doubte scavons bien estre vostre bon amys, nous voulloir accomoder pour l'argent d'une telle piece, seller et brider et equipper, comme il appartient, et ce pour le bien payer. Ce faisant nous obligerez à le desservir envers vous et les vostres, d'aussi bon cueur que nous nous recommandons à voz bonnes graces, prians Dieu vous donner,

Monsieur le prevost, les siennes et une bonne et heureuse année, avec santé et longue vie. De Pourrentruy en haste, le 18 de janvier 1588.

Voz serviteurs bons voisins et amys,

VERNIER VERGIER, prevost; GERMAIN GINDRE; HENRI GINDRE, mayre; N1coLaAS RossEz, Nicozas L'HosTE, maistres bourgeois; JEHAN RosSsEL et aultres de la parenté dud. s" licentié Decourt.

Suscription : À Monsieur, Monsieur le prevost de Dele, Jehan Guyot Lovy, nostre bon voisin, cousin et amys, à Dele.

Original sur papier.

Archives Nationales, fonds Montbeliard, K 1966.

Lettre missive de Jacques-Christophe de Blarer, évêque de Bâle, à M. de Rosne, général de l'armée du marquis de Pont, se plaignant des excès oommis par les troupes lorraines dans plusieurs villages de son évéohé, malgré les défenses expresses du marquis de Pont, et demandant réparation.

Monsieur de Rone,

Nous ne doubtons qu'ayés receu le mandement obtenu dimenche dernier à Neufvie par noz commis de mons: le marquis du Pont, par lequel vous estoit ordonné de faire à faire ung ban en l’armée, que nul des soldatz eust à loger et fourrager dans noz villages sur peine de la vie, ainsy que pourrés encor veoir par la copie dud. mandement allante avec cestes, et quant bien aurions aussy depuis et de plus impetré dud. seigneur une exemption generale pour toutes noz terres de nostre evesché de Basle, neantmoins et sans y prendre esgard seroient noz subjectz de nostre seigneurie de Pourrentruy depuis avant hier jusqu'au present estez par les soldatz de lad. armée en diverses et infinies manieres oultragez, vexez et molestez tant par la prinse de leurs meubles que chevaulx et bestail, s'estant l'insolence du soldat desbordée jusque là d’avoir desvalizé noz officiers, scavoir, noz maire et recepveur de ce lieu, qu'avions envoyé ausd. villages pour modestement destourner l’arrivée desd. soldatz, leur ayant prins leur chevaulx à nous apartenants, leur armes, bague et argent, comme de

mesme ils ont faict au s° de Milandre, gentilhomme, nostre cousin, subject et vassal; oultre ce ont arresté nostre messager qu'envoyions à mons le marquis, luy ayant prins la boite d'argent où estoient noz armes, tellement qu'à raison de telz notables griefz sommes esté plus qu'occasionné nous en rendre complaignant par lettres le jour de hier à mons” le marquis, et par icelles le prier de faire à faire dehue perquisition desd. chevaulx et armes prinses, y ordonnant par après la restitution, et de plus nous envoyer ung gentilhomme par deça à nous fraiz, ou bien quelque aultre personnage signalé pour soy tenir auprès de nous ou chevaucher avec noz officiers la part que le soldat se vouldroit jetter dans noz villages contre le vouloir et expresse defence de mons:’ le marquis. Mais nosd. lettres ne luy sont estées delivrées, parce qu'il estoit desja party, qu'est l'occasion que nous adressons presentement à vous comme general de lad. armée et commandant sur icelle en l'absence de mons” le marquis, vous faisant les mesmes doléances et priant, d’aultant que sommes et noz gens catholicques, n'ayant jamais faict ny mal ny desplaisir aux vostres, et partant que sans propos telz griefz ne nous doibvent estre faictz, mesme en consideration que sommes prince de Saïinct Empire et aussy estroictement alliez et confederez avec mess” les cantons catholicques (1), qu'ilz vous plaise de tenir la main en toute seuereté et diligence que la declaration du bon vouloir et affection que mons* le

(1) Jacques- Christophe de Blarer de Wartensée, chanoire de Bâls et Constance, élu évèque de Bâle le & juin 1575, fit alliance à Lucerne avec les sept cantons catholiques de la Suisse, le 28 septembre 1579. (Voir la biographie de ce prélat dans Trouillat, Monuments de l'Histoire de l’ancien évêche de Bâle, t. x, p. cxxxi).

marquis et aussy mons’ le duc de Guise nous ont faict entendre verbalement et par lettres soit exactement et diligemment gardée et executée, et le ban predict de non point entrer en noz terres et villages (quelz qu'ils soyent) soit en tous les quartiers de l’armée derechef publié et maintenu, lesd. chevaulx, armes et aultres choses saisies sur les nostres restituez, de m'envoyer ung personnage d'estat et de marque pour remedier et pourveoir à tout desordre occurrent par deça que plus grand que ne pourriés penser, et generalement vous comporter ‘au soulagement de noz paouvres subjectz (qui à verité dire sont pour ce peu de sejour desja esté plus rudement traicté par telz soldatz qu'ils ne sont estez par cy devant par les huguenotz passez par ces quartiers soub la charge de Clervant (1), comme debvons justement attendre et nous confier en vous seigneur vertueux, grand justicier et bon catholicque, à icelle fin que nous puissions sentir fruict et contentement de si bonnes provisions qu'avions obtenu .de mess” le marquis et duc de Guise, et qu'il ne soit dict qu'aurions plus receu de dommages par nous amys que par noz ennemys. Nous avons desja entendu la bonne affection qu'aviés au soulagement des nostres que declarastes à nosd. commis sambedy passé devant le Pont de Roiïde (2), dont vous en mercions bien affectueusement et nous confions d'autant plus en vostre droicturiere et bonne intention que ne manquerés à l'effectuer,

(1) Claude-Antoine de Vienne, seigneur de Clervant, agent dévoué du roi de Navarre qui l’envoya en mission auprès de Casimir de Bavière, était colonel général des Suisses dans l'expédition de 1587. (V. A. de Ruble, Mémoires de La Huguerye, t. xx, p. 24.)

(2) Pont-de-Roide, Doubs, arr. de Montbéliard, ch. 1. de canton.

et partant nous obligerés à le recognoistre envers vous et les vostres la part où aurons moyen faire chose qui puisse reussir et vostre contentement d’aussy bon cueur que prions Nostre Seigneur qu’à vous,

Monsieur de Rosne, vueille eslargir en santé tout bon heur et prosperité. De nostre chasteau de Pourrentrui, ce 13 janvier, l’an 88.

Vostre bien affectionné amy.

Suscription: A Monsieur, Monsieur de Rosne, general de l’armée de messieurs les princes, marquis du Pont et duc de Guise.

Minute sur papier.

Archives de Porrentruy, liasse intitulée : Guerres de France, passage des troupes de Navarre et de Lorraine, n° 316.

XLIIT

Lettres de Jacques-Christophe de Blarer, évêque de Bâle, attestant les déprédations commises dans plusieurs villages de la châtellenie de Porrentruy par les soldats du marquis de Pont, et sollicitant la restitution des biens enlevés ainsi que délivrance des prisonniers.

Nous Jacob Christophe par la grace de Dieu evesque de Basle, prince du Sainct Empire, etc.

Attestons par cestes que nos pauvres subjects de

nostre vilage de Rocourt (1), comprins en nostre chastellenie de Pourrentruy, se sont venus ce matin complaindre à nous comme envyron neuf ou dix harquebousiers à cheval du camp de serenissimes et illustrissimes princes et seigneurs messieurs les marquis du Pont et duc de Guyse, nos bons seigneurs voisins et amys, se seroient hier envyron heure de midy transpourté aud. vilage, où nos pauvres subjects leurs donnarent à boyre et manger, et leurs exhibarent tous offices et services à eulx possibles, mesme à leurs requisitions leurs donnarent guydes qu'ilz contraingnirent de les conduyre en la montagne ou nosd. pauvres subjects avoient retiré en seurtée leurs chevals, lesquelx lesd. soldats prindrent et amenarent tous aud. Rocourt sur la nuit, mais veans que lesd. pauvres subjects se commencerent à lamenter et plaindre que c'estoient les leurs, iz n'y arrestarent dadvantage, puis marcharent oultre et furent poursuyvy par nosd. subjects jusques au vilage d'Aubevilers (2), comté de Montbeliard, lequel lesd. soldats passarent. Estimans nosd. subjects qu'’ilz sont logés à Erimoncourt (3) proche dud. Aubevilers, et avoient pour guyde et ayde à conduyre lesd. chevals prins ung de nos subjects en une vacherie de lad. montagne, riere nostre dite chastellenie, qui estoit contraint de mener ung cheval par le licol devant les aultres que lesd. soldats chassoient après sans brides en troupeau d’envyron vingt six. De mesme se sont complains à nous nos subjects de Dampvant et Rescler (4) que le jour devant d’aultres soldats auroïient

(1) Rocourt, Suisse, sur la route de Besançon à Bâle.

(2) Abbévillers, Doubs, arr. de Montbéliard, cant. d'Audincourt.

(8) Hérimoncourt, Doubs, arr. de Montbéliard, cant. de Blamont.

(4) Damvant et Reclère (Suisse), prés de la frontière française, sur la route de Besançon à Bâle.

esté en leurs vilages et auroiïent prins guydes qu'ilz auroient aussi contrains de les mener où nosd. pauvres subjects avoient retiré leurs chevals, lesquelx lesd. soldats auroient prins, et comment aussi nos subjects de nostre vilage de Courtedoubs (1), proche des portes de ce lieu, lundy au soir furent envahis par aulcungs soldats desd. trouppes qui leurs emmenarent leurs chevals.

Semblable plainte font noz subjects de Vilars, Fontenoy et Bressaulcourt (2) en nostre montagne, à scavoir que la nuit passée ont aussi esté courus et leurs ont aulcungs desd. trouppes emmené leurs chevals. Le mesme ont ilz fait à nos subjects de Courchavon (3) et de Fay (4), ils ne se contentent lesd. soldats des chevals, mais emmenent et detiennent prisonniers plusieurs de nosd. subjects; que sont tous actes contraires aux exemptions et assuremens qu'il a pleu aux Altesses desd. seigneurs princes nous outtroyer pour nos terres et subjects. Si prions humblementet affectueusement leurs dites Altesses et en leurs absences, messieurs les general, colonnels, capitaines et aultresofficierscommandans en lad. armée de nous faire jouyr du fruit de l'exemption et assurement predit, et pour ce y mettre quelque execution plus arcte et pregnante, comme aussi de faire restituer à nosd. pauvres subjects pourteurs de ceste lettre le peu de bien que leurs a esté tollu, comme dit est, et en oultre de reslargir en liberté tous captifs qu'ils detiennent

(1) Courtedoux (Suisse), près de Porrentruy.

(2) Villars, Fontenois, Bressaucourt (Suisse), localités dans le rayon de Porrentruy.

(3) Courchavon (Suisse), à proximité de Porrentruy, dans la direction de Delle.

(4) Fahy (le), (Suisse), sur la frontière française.

de nosd. subjects. Quoy faisans la volontéé et commandement de leurs Altesses sera accomplies, ce que nous obligera tant plus à leurs rendre tous humbles services et debvoirs à noz possibles. En tesemoignage desquelles choses avons fait sceler ceste de nostre seau accoustuümé.

Donné à nostre chasteau de Pourrentruy, le 18 de janvier 1588. |

Minute sur papier. °

Archives de Porrentruy, liassé intitulée : Guerres de France, passage des troupes de Navarre et de Lorraine, n° 315.

Plainte des sujets de l'évêque de Bâle dans la châtellenie de Porrentruy relative aux déprédations commises à leur détriment par les soldats du marquis de Pont.

Les subjects de monseigneur le reverendissime evesque de Basle des viläges de sa reverendissime seigneurie en la chastellenie de Pourrentruy cy en bas speciffiez se complaingnent que mardy et hier leurs ont esté prins et emmenez par divers soldats du camp de serenissimes princes et seigneurs messeigneurs les marquis du Pont et duc de Guyse plusieurs leurs biens et chevals. Parquoy icelluy reverendissime seigneur supplyent tres affectueusement messeigneurs les general, colonnelz et capitaines du camp desd. seigneurs princes, de en confor-

mitée de l'exemption outtroyée favorablement par leurs Altesses aud. seigneur reverendissime et à ses subjects de faire rendre à iceulx pourteurs de ceste leursd. biens et chevals que dit est, et par tel effect faire jouyr led. seigneur et reverendissime du fruit de lad. exemption. En quoy sera accomplye la bonne volontée desd. seigneurs princes, et led. seigneur reverendissime dadvantage oblige tant en-

vers leurs Altesses que mesd. s" leurs deputez que desd. En tesmoingnage de quoy led. s° reverendissime a fait seeler ceste de son seel accoustumé. À Pourrentruy, le 14 de Janvier 1588.

Les subjects et habitans de Boncourt (1).

Les subjects et habitans de Roche d'or.

Les subjects et habitans de Cheveney.

Les subjects et habitans de Recler.

Les subjects et habitans de Bressaucort.

Les subjects et habitans de Vilars sus Fontenovy.

Minute sur papier.

Archives de Porrentruy, liasse intitulée: Guerres de France, passage des troupes de Navarre et de Lorraine, n° 318.

(1) Toutes ces localités sont en Suisse dans un rayon très-rapproché de Porrentruvy.

Lettres des députés de l'évêque de Bâle aux capitaines de l'armée du marquis de Pont, se plaignant des incursions

‘ faites par les soldats de cette armée dans les villages de la châtellenie de Saint-Ursanne, avec prière de vouloir bien cantonner leurs troupes.

Messieurs,

Comme il pleut aux Altezes de messeigneurs les serenissimes et illustrissimes princes mess” les marquis du Pont et duc de Guyse, noz tres honorez et redoubtez seigneurs, lundy passé vous commettre à noz requisicion et pour le respect de monseigneur le reverendissime et illustrissime mons' l'evesque de Basle, nostre maistre, pour garder et preserver de l’incurssion et injure des soldatz suyvansles camps desd.seigneurs illustrissimes princes les vilages et biens des subjects, terres et seigneuries de nostredit seigneur et maistre, et que à cest effect vous repartismes par aulcungs desd. vilages sur les advenues de ceste terre de Porrentruy et chastellenie de Saint Ursanne, appartenans entierement ànostredit seigneur et maistre, en quoy vous vous demonstrastes tres volontaires, et depuis jusques à oyres, comme sumes infformez, vous vous estes comportez au soulagement des vilages où residez dehuement, sans qu'ilz ayent depuis receu dommages, or, comme par les plaintes que noz subjects des aultres vilages nous font d'heure en aultre, que lesd. soldatz ne s'arrestent aux vilages

où estes logez, ains passent plus avant deans lesd. terres et seigneuries de Pourrentruy et voyre jusques à lad. seigneurie de Saint Ursanne qu'est oultre la Montagne, où ilz font de grands degasts, prenans et emmenans les chevauls et biens de nosd. subjects. À ceste occasion et pour tant myeulx prevenir à telz inconvenians, envoyons devers vous avec ceste nostre patente le present porteur, receveur de nostreditseigneur et maistre, et vous prions de vous repartyr ung à ung et loger aux aultres vilages telz qu'il vous desclairera, où serez bien receu et traité, et tant faire que lesd. vilages soyent preservez de telles injures, quoy faisants ferez chose conforme et aggreable aux bonnes volontées et commandements de leurs Altezes, voz maistres, et nous obligerez tant plus. En tesmoingnage desquelles choses avons fait seeler ceste patente du seel ordinaire de nostredit seigneur et maistre. Donné aud. Pourrentruy le 14 de janvier 1588.

Voz bons amys et voysins à vous obeyr, les deputez de monseigneur le reverendissime et illustrissime evesque de Basle.

Minute sur papier.

Archives de Porrentruy, liasse intitulée : Guerres de France, passage des troupes de Navarre et de Lorraine, n° 320.

Lettre missive de l'évêque de Bâle à M. de Savigny, le priant de faciliter la recherche et restitution des chevaux enlevés à ses officiers ot a son cousin le sieur de Milandre, ot d'envoyer un trompette pour conduire et sauvegarder les députés des cantons catholiques.

Monsieur de Savigny,

J'ay entendu par le rapport de mes gens les bons offices employez au solagement de mes subjectz et à la restitution de ce que quelques soldatz desreiglez leur avoient prins, mesme voz honnestes offres que de plus aviez faictz à tenir la main que perquisition se fera des chevaulx saisys tant à noz officiers qu'au s’° de Mylandre, mon cousin, et aultres des nostres, dont je vous en mercie tres affectueusement, et vous prie qu'en continuation de celle vostre bonne volunté en mon endroict soit le plaisir vostre de faire assister mon groz vallé et serviteurs presents pourteurs avec les meilleurs moyens qu'aviserés, à icelle fin que les chevaulx et aultres biens puissent estre treuvez, recogneuz et restituez, et qu'à l’'advenir mes paouvres subjectz soyent respectez et espargnez comme appartenantz à ung prelat qui desire infiniement faire service et rendre toute bonne amityé à mess” les princes, voz maistres, et à vous, me confiant entierement que de ce n'estes moins enclins que mess” les princes, lesquelz m'en ont donné toute bonne asseurance et signifié affectueusement leur debonaire et droictu-

riere intention. Quant au soldat qui avoit desvalizé mon messager et luy osté la boite de mes armes, je vous prie en faveur de moy luy pardonner et le faire esloigner. Et d'autant que mes tres chers amys et alliez mess” des cantons catholicques, estans advertys de l’arrivée de mess” les princes, voz maistres, en ces quartiers envoyent derechef leurs ambassadeurs par deça, que j'attend au disné en ce lieu, je vous prie leur envoyer une trompette ou aultre suffisant personnage encor ce jourd'huy en ce lieu pour les conduire à demain en seurté jusqu'en l’armée où ilz desirent aller, en quoy ferez à moy et à eulx plaisir singulier, que recognoistrons la part où aurons commodité faire chose à vostre contentement, autant vous presentant mes amytiés et services, prieray Nostre Seigneur qu'à vous, Monsieur de Savigny, vueille eslargir en santé longue vie, tout bon heur et prosperité. De nostre chasteau de Pourrentruy, le 14 janvier 1588.

Vostre tres affectionné amy.

Suscription : À Monsieur, Monsieur de Savigny (1), colonnel general de reitres de l’armée de monsieur le marquis du Pont.

Minute sur papier.

Archives de Porrentruy, liasse intitulée : Guerres de France, passage des troupes de Navarre et de Lorraine, n° 321.

(1) Probablement Philippe de Savigny, seigneur de Montreuil, gentilhomme de la chambre du marquis de Pont, qui fut nommé bailli de Vosges le 13 janvier 1589 en remplacement de Claude de Reinach, et qui devint maréchal de camp en 1591. (H. Lepage, Lettres et instructions de Charles III, p. 208.)

Lettre missive d'Antoine d'Oiselay, seigneur de la Villeneuve, à Frédéric de Wurtemberg, comte de Montbéliard, confirmant le RUDE HT DESPLORABLE TRAICTEMANT subi par les pauvres villageois du pays durant le passage

" des troupes lorraines.

Monseigneur,

Celle qu'il a pleu à Vostre Exellence me daigner escripre d'ois Harbourg (1) du 26° decembre m'a estez seullemant randue ce jourd'huy environ les dix heures du mattin,lhouant Dieu que Vostre Exellence soit en bonne disposition et santée, je luy randray tres humble et tres fidele service en ce qui luy plaira me commander de zele et entiere affec- tion ; elle aura bien estez advertie du rude et desplorable traictemant qu'ont receuz les pauvres villageois de ce peys par le passage de messieurs les marquis du Pont et duc de Guyse par ced. peys avec leurs trouppes. Or Dieu par sa grace nous veulle d'oresenavant preserver et guarder de telles foulles et veulle donner,

Monseigneur, à Vostre Exellence tres heureuse et tres longue vye, luy baïizant très humblement les mains. D'ois sa petitte maison de la Villeneufve (2), ce XIIIT- janvier 1588.

Tres affectioné à randre à Vostre Exellence tres humble service.

À. D'OISELEY.

(1) Le comte Frédéric de Wurtemberg s'était retiré dès le début de l'invasion dans 8es domaines d'Alsace, et se trouvait à Horbourg (anciennement Haut-Rhin, arr. de Colmar, cant. d'Andolsheim).

(2) Villeneuve (la), Haute-Saône, arr. et cant. de.Vesoul.

Suscription : À Monseigneur, Monseigneur le conte de Wirtemberg et de Montbelyard.

Au verso se trouve cette mention : Monsieur de la Villeneufve escrit qu'il a receu les lettres de son Excellence et luy veult rendre service.

Présentées le 9 de janvier 1588 (vieux style) envi- ron les 9 heures du matin.

Original sur papier.

Archives Nationales, fonds Montbéliard, K 1966.

Capitulation d'Héricourt conclue entre Gérard de Reinach, seigneur de Saint-Baslemont, colonel de reîtres, assisté de Jean de Cobreville, grand prevôt des Ardennes, d'une part, et les maitres bourgeois d'Héricourt, au nom des habitants de cette ville, d'autre part.

Sur ce que messire Gerard de Reïnach, chevalier, baron de Montquentin, coulonnel ordinaire de mil reitres pour le Roy catholicque d'Espagne et au present de douze compagnies d'’infanteries lorrenois pour Sa Majesté, aussy d'ung regimenit desd. reitres pour l’Alteze de monseigneur le duc de Lorenne, de Callabre, son chamberlam et capitaine de ses gardes de Suisses, gouverneur et capitaine de Longvy, auroit par diverses fois faict sommer ceulx de la ville d’Hericourt d’eulx redhuire et soubmectre à l'obeyssance, garde et protection de Sad.

Majesté catholioque, et quicter toutes armes et deffences contraires aux desseins des armées et forces catholicques, se retreuvans presentement aux envyron d'illec, les maire, maistres bourgeois, jurez et habitans de lad. ville, tant pour eulx qu'au nom des aultres bourgeois et subjectz fourains d'icelle ville et seigneurie d'Hericourt, doubstans et prevoyans ce que aparraument leur adviendroit, et pour evyter leur eminentes ruynes et totales desolations, ont sur ce traicté, capitulé et conditionné avec led. seigneur de Montquentin, et Jean de Cobreville, escuyer, seigneur dud. lieu, Huvin et Lavaulx, grandprevost des Ardennes et commissaire-general des montres de Sad. Majesté en la duché de Lucembourg, presentement envoyez par Son Alteze de Parme, en la sorte et maniere que s'ensuit :

Premier, que le capitaine et soldardz ayant faict garde de lad. place, en nombre de cent et vingt ou envyron, se pouront librement ratirer où bon leur semblera, avec enseignement et sauf-conduicte, affin qu'aulcungs tord, moleste, ny recerche ne leur soit faict en leurs personnes ou biens, pour cause de leur service ou aultrement, et particulierement sera condhuict led. capitaine avec toutes seureté de sad. personne et biens deux, trois ou plus de lieux vers la part qu'il vouldra tirer.

Que lesd. seigneurs entreront avec leur suittes en lad. ville, et de plus avec vingt cinq soldars arquebouziers, pour ayder à la garde d'icelle avec les bourgeois, sans aultres garnisons ou charge de gens de guerre pour le present, s’il n’est de besoing et ilz en requierent.

Que tous lesd. bourgeois et habitans tant en general qu'en particuliers seront reçeuz et maintenuz en la garde, protection et deffences de Sad.

Majesté catholicque avec promesses que à leurs personnes, biens, femmes, enffans ou familles ne sera faict aulcungs tord, moleste, ny recherche pour chose que se soit, vivant en l'obeissance dehue à Sad. Majesté, et comme tous aultres habitans et bons subjectz de ses peys, terres, villes et seigneuries, et ceulx de ses bons vassaulx catholicques font, et dont promptement ilz feront le serement dehuz et requis aud. s° de Montquentin, quy demeurera leur chefz et gouverneur tant et sy longuement qu'il plaira à Sa Majesté.

Que moyenant ce ilz seront maintenuz en leurs anciennes franchises, previlleges et libertez, sans aulcunement faire ny permectre estre faict au contraire par quelques rançons, impositions de deniers, ou aultres charges extraordinaires.

Que s'il advient aulcungs sejours de lad. armée et troupes estans es envyrons, ilz n'entreprendront rien allencontre ny au prejudice du present traicté, ains sy veullent quelques solagement et assistances de lad. ville, ce sera avec payement raisonnables.

Que sy aulcungs desd. bourgeois et habitans de lad. ville ont volonté d’eulx retirer d'icelle pour vivre ailleurs, faire le pourront promptement, enpourtans leurs biens et meubles à leur volonté et sans empeschement quelconques.

Comm’ aussy lesd. bourgeois fourains, ayans aulcungs biens, meubles ou vivres retirez en lad. ville et chasteau, les en pouront sacquer et transpourter ailleurs sans contredictz.

Lesquels poinctz et articles susd., en general et particulier, iceulx sieurs de Montquentin et de Gobreville pour une part, et lesd. de la ville pour l'aultre, ont promis et par cestes promectent soubz leurs foys d'honneur et serementz respectivement

de tousjours et inviolablement accomplir, effectuer . et maintenir, sans aller au contraire, ayant iceulx seigneurs pour asseurances et tesmoingnaige de verité signez cestes de leurs noms, comm’ aussy ont faict honnorables hommes Nicolas Jacquin, procureur; Guillaume Vuillot, maire (1); Jean Perdrix, recepveur (2); Jean d'Argent, Pierre Brihenridot,maistres-bourgeois; Henry Ouldot, Jean Mourel, Estienne Paignot, jurez; Henry Perdrix, Jean Carpet, Gaspard George, Michiel Thuetté, Regnauld du Vaulx, Jacques Barbauld, Servais Barbauld, Nicolas Barbauld le jeune, Jean Belot, Nicolas Belot le jeune, Jacques Richardot, Nicolas d'Argent, Guidot Verennet, Pierrot d'Ormoy, Jacques Chargepot, Jean Chargepot, Anthoine Recepveur, tous bourgeois, deputez et representans la generalité desd. bourgeois ét habitans dud. Hericourt. Ainsy faict, passé, capitulé et accordé, le quatorzieme jour du mois de janvier, l’an mil cinq cens octante huict (3).

(1) Guillaume Vuillot exerçait les fonctions de maire et prévôt à Héricourt dès l’année 1567; il figure en qualité de maire, ainsi que Jean d’Argent, maître bourgeois, Jean Carpet et Antoine Receveur, bourgeois jurés dans le registre de la justice d'Héricourt de l’année 1577. (Archives Nationales, fonds Montbéliard, 72 2301 et 2308).

(2) Jean Perdrix fut nommé receveur d’Héricourt par lettres du 13 juin 1588, et dut succéder à Claude Fallot que nous voyons cité comme receveur de 1575 à 1577. Malgré son adhésion au traité conclu avec Gérard de Reinacb, le 14 janvier 1588, il resta en fonctions; les habitants de Bussurel lui intentérent, de 1589 à 1591, un procès pour malversations au sujet desquelles une enquête fut ordonnée, et Jean Perdrix fut cité le 10 février 1591 devant le Conseil de Montbeliard pour se justifier des faits qui lui étaient imputés. Il eut comme successeur Jean Jacquin qui fut également poursuivi pour concussion dans sa charge, condamné à être décapité, et vit sa peine commuée en détention perpétuelle. (Archives Nationales, fonds Montbéliard, K 1916, Bestallungen buch, fol. 191; K 1946).

(3) Ce document a été publié par M. Duvernoy à la suite de son récit de l'Invasion des Guises, (Journal de l’Institut historique 1855, p. #-83).

Signé: G. DE REINACH, JEHAN de CoBRE- VILLE, JACQUIN, G. VILLOT, D'ARGENT, P. BRIHENRIDOT, J. CARPET, N. BELOT, JEHAN BARBIER, M. TuETTÉ, H. Perprix, MOUREL, E. PanioT, ArNRt Ocv- DOT, JAIQUE RICHARDOT, PIER D'OR- MOY, SERVOY BARBAULT, NiIcOULAS BARBAULT, A. RECEPVEUR, JAQUES CHARGPOT , JAIQUE BARBAULD, KR. Du VAULX, JEHAN BELOT.

Au mesme jour et instaument se sont faict les promesses reciproquesicy dessus contenues, ets'est ensuivy l'entré desd. seigneurs, suitte et soldars, aussy la sortie et sauf-condhuictz du capitaine et ceulx ayans servy en ceste ville à leur contentement; et le seizieme dud. mois envyron le mydy les habitans d'icelle generalement assemblez et convocqués tous par ensemble en la place du chasteau, ont faict le serement de fidelité à Sa Majesté catholicque et jurez de luy estre obeissans et le recongnoistre à tousjours pour leur souverain protecteur et deffenceur. Tesmoing le nom et seing de moy greffier soubsigné.

(La signature du greffier est absente).

Original sur papier.

Archives Nationales, fonds Montbéliard, K 1966.

Lettres de sauvegarde accordées par Gérard de Reinach, signeur de Saint-Baslemont, aux habitants du village de Bussurel, qui ont fait leur soumission entre s68 mains.

Nous messire Girard de Reynach, chevallier, seigneur de Bellemont et de Moncointin, colonnel de reitres, certiffions que les habitans du village de Buxerel (1) ne sont estez rebelles et se sont rendus volontairement entre noz mains au service de Son Alteze, prions à tous seigneurs colonnelz, capitaines, lieutenans, officiers et aultres ayans charge de gens de guerre vouloir soulager et suporter lesd. habitans en tout ce que pourrez et comme estans subjectz et serviteurs à Sad. Alteze. Donné à Héricourt, ce 15° de janvier 1588 (2).

Signé : G. DE REINACH.

Original sur papier.

Archives Nationales, fonds Montbéliard, K 1966.

(1) Bussurel et Byans sont deux localités de la Haute-Saône, arr. de Lure, cant. d’Héricourt; Semondans est situé dans le département du Doubs, arr. et cant. de Montbéliard.

(2) Des lettres analogues, conçues en termes identiques, furent délivrées aux habitants des villages de Byans et Semondans; les lettres concernant le village de Byans ont été publiées par M. Ch. Duvernoy à la suite du récit contemporain de l’'Invasion des Guises. (Journal de l’Institut historique, 1835, p. 88.)

Lettres de sauvegarde délivrées par Gérard de Reinach, seigneur de Saint-Baslemont, à sept soldats de la garnison d'Héricourt, qui s'en retournent en leur village de

Selbnoourt.

Nous messire Gerard de Reynach, chevalier, seigneur de Saint Ballemont et de Moncointin, collonnel de reittres, savoir faisons à tous qu'il appartiendra que les soldatz presentz porteurs quy sont en nombre de sept, se sont rendus voluntairement entre noz mains pour le service de Son Alteze avec ceulx de la ville d'Hericourt, prions à tous seigneurs collonnelz, capitaines, lieutenans, officiers et autres ayans charge de gens de guerre vouloir donner passage ausd. soldatz pour s'en retourner en leurs village de Seloncourt, suivant la promesse que leurs en avons faicte en entrant en la ville, et ne permetre leurs estre faict desplaisir, comme en cas semblable ferions pour eulx, sy requis en estions. Et pour verrification de ce nous avons signé cette de nostre main aud. Hericourt, le 15 de jan-

vier 1588.

Signé : G. DE REINACH.

Original sur papier.

Archives Nationales, fonds Montbeliard, K 1966.

Lettre missive de l'évêque de Bâle à M. de Savigny, le remerciant de l'envoi de deux gentilshommes pour accompagner les députés des cantons catholiques, le priant de faire grâce au soldat qui avait dérobé la boîte à ses armes, et le renseignant sur la prise d'armes des Bernois que les gens de Neufchâtel avaient appelés à leur secours dans la crainte du passage des Lorrains.

Monsieur de Savigny,

Vous m'avez faict plaisir de m'avoir adressé ces deux notables gentilhommes pour accompaigner jusqu'en vostre armée les ambassadeurs de messieurs des cantons catholicques, ayant de plus remarqué la bonne affection qu'’avez en mon endroict en ce que de si bonne volunté vous voulez employer à faire restituer à mes subgectz les chevaulx et autres choses que quelques soldatz de vostre armée leur pourroient avoir prins et ostez, je vous mercie du tout tres affectueusement et me confie que tiendrés si bon ordre et ferés telle assistance à mes officiers qu'à cest effect j’envoye vers vous, que le tort faict aux miens leur sera reparé par vostre moyen, ainsy que je m'asseure que messieurs les princes voz maistres desirent estre faict. Et vous prie de ne vous formaliser en severrité de justice contre le paouvre soldat qui avoit osté à mon messager la boite de mes armes, il en est desja assé corrigé, et serois marry, voire me seroit ung regret perpetuel, si pour mon respect et si petit cas il deubt aultrement estre traicté qu'en toute douceur, attendu mesme que lad. boite m'est rendue, dont

vous en scay bon gré, par quoy vous prie derechef qu'en ma faveur il n’en ayt à souffrir aultre chose, ains qu'il soit eslargy et dispensé pour ceste fois de la rigueur de justice; ayant ceste confiance en vous que tel faict luy sera pardonné je n’en escripray à mons” le marquis, ce que je ferois indubitablement si je deusse scavoir que led. soldat en deubt estre recensé plus oultre. Quant aux nouvelles desirés scavoir de l'amas de gens que les Schwisses protestans pourroient faire, il n’y a aultre fond, sinon que ceulx de Neufchastel sur le lac cuidans que messieurs les princes les vouloient envahir avoient en grand sursault et frayeur invocqué en ayde ceulx de Berne, Soleurre, Fribourg et mes subjectz de Bienne et Vaulx de Sainct Immier, comme aussy d'aultres. Et est bien vray que les Bhernois estoient desja sorty de leur maisons avec deux mil combatans en intention de secourir lesd. de Neufchastel, et que plusieurs aultres voisins se mettoient aussy en armes pour led. secours, mais ayans tous entendu que vostre armée prenoit son chemin contre Montbeliard, ung chascun s'est retiré en sa chascune, de mode qu'au present en toute la Schwisse il n'y a amas de gens que soit venu à ma notice. J'avois à l'instant qu'en fus ädverty envoyé defence estroicte à mes subjectz de s’en tenir quoy sans rien entreprendre à mon insceu, à quoy ilz ont obey, et vous sera dict le surplus par lesd. s° ambassadeurs ausquelz je me refere, vous presentant mon amytié, salut et tres affectueuses recommendations, et priant Nostre Seigneur qu’à vous, Monsieur de Savigny, vueille impartir en santé tout bon beur et prosperité. De mon chasteau de Pourentruy, ce 15 janvier, l'an 1588.

Vostre bien affectionné amy.

Suscription : A Monsieur, Monsieur de Savigny, premier mareschal de camp de l'armée de mons” le marquis du Pont, prince de Lorraine.

Minute sur papier.

Archives de Porrentruy, liasse intitulée: Guerres de France, passage des troupes de Navarre et de Lorraine, n° 323.

Lettre missive du capitaine Arbitre à Michel Secker, trésorier du comte de Montbéliard, l'invitant à verser entre ses mains la somme de cinq cents écus pour racheter de l'incendie sa maison sise au village de Bart.

Monsieur le tresorier maistre Michel (1), il est advenu que je suis logé en vostre maison laquelle

(1) Michel Zecker, neveu du secrétaire d’Etat Léonard Binninger, remplit l’office de trésorier du comte Frédéric, de 1567 à 1600; c'est en cette qualité que le 10 août 1588, il rédigea et adressa à son maitre un important mémoire traitant des moyens à employer pour donner cours en Franche-Comté et en Allemagne aux monnaies du pays de Montbéliard. Le 12 septembre 1598, il fit son testament à Monthéliard dans la maison où il résidait, rue des Febvres, et y ajouta un codicille, le 6 mars 1600. Aux termes de ce testament, il laissa l’usufruit de ses biens à sa femme Cathin Poinsgot, légua cent francs forts à Jean Vernet fils de Georges Vernet, son neveu, et institua ses héritiers, Anne Zecker, sa sœur, pour un tiers, Esther Velfin, sa nièce, mariée à Michel Delaunay, capitaine de Franquemont, pour un autre tiers, Albrecht Binninger, greffier de Blamont, et Vuillemette Paget, sa femme, pour le dernier tiers, désignant comme exécuteur testamentaire, son cousin, le vicechancelier Hector Carray. A la date du 21 avril 1600, son décès se trouve mentionné dans le registre des Causes testamentaires, et le 10 septembre suivant, ses héritiers furent invités à rendre les comptes de sa gestion comme trésorier. (Archives Nationales, fonds Montbéliard, Z3 1679, fol. 57: K 2009, 2028.)

je fais conserver pour me semble estre tres belle, et seroit grand dommage d'estre bruslée, encor que en ayée donné subjet, veu que n'avons trouvé ne pain ne vin dedans, pourtant si la voulée conserver du feu, envoyée moy cinq cens escus, si donques ceux de la ville n'entre en composition pour toute la terre. Et si ceux de la ville n’entrent en composition, s'il y a quelque particulier qui desire conserver ces trois premiers villages, regardés de vous cottiser ensemble, si ne vouler voir un beau feu dont vous pourrés chauffer de vostre ville.

Signé : ARBITRE.

Suscription au verso: Monsieur le trésorier, maistre Michel, à Mombeliart.

Au verso se trouve cette note: Les voleurs logez en ma maison de Bart demandent cinq cens escus pour ne brusler le villaige.

Present(é6) le 6 de janvier 1588.

Original sur papier.

Bibliothèque de Besançon, collection Duvernoy.

LIIT

Lettre missive du capitaine Arbitre déclarant qu'il n'accoptera pas moins de quatre cents écus pour épargner la maison du trésorier Michel Zecker, et que quant aux autres maisons du village, elles seront immédiatement livrées aux flammes.

J'ay sceu par la vieille femme comme il y a ung des amis du tresorier qui veult donner quelque

argent pour sauver la maison et biens dud. tresorier, ilz feront bien de l'envoyer demain au matin, mais qu'ilz n’envoyent rien moins de quatre cens escus.

Quant aux aultres qui n'ont voulu convenir, qu'ilz s’asseurent que demain au matin ilz verront belle danse partout et se pourront bien chauffer au feu de leurs maisons, car je vous jure qu'il n'y en aura nulles exceptées que celles qui se rachepteront. Envoyez-moy response par cette femme et vous

ferez bien. | Signé : ARBITRE.

Original sur papier.

Bibliothèque de Besançon, collection Duvernoy.

Réponse de Georges Vernet à la lettre du capitaine Arbitre qu'il a reçue en l'absence de Michel Zecker, exprimant tous ses regrets de ne pouvoir payer la somme demandée, son cousin le trésorier 8e trouvant ruiné par l'incondie de ses maisons à Vandoncourt.

Monsieur l'Arbittre )

En l’absence de mon cousin le tresorier, j'ay receu voz lettres, pour ausquelles respondre je n'ay voullu faillir vous advertir qu'il est impossible vous envoyer les quatre cens escus par vous demandez pour n'avoir moyen de ce faire, en consideration de ce qu'il ne m'a laissé denier quelconque, bien sachant aussi qu'il n’en est fourny, parce qu'il n'y a

‘guere de temps qu'il a achepté maisons et heritaige au lieu de Vandoncourt qu'ont esté bruslez avéc grande quantitey de grainne, que luy causera sa ruynne entiere, parce que lesd. maisons et heritaiges ne sont encore du tout payé, dont je vous suplie tres affectueusement et pour l'honneur de Dieu prendre esgard à ce et tenir la bonne que la maison qu'il a au lieu de Bart (1) de reste luy soit conservée, affin que luy et sa pouvre femme qu'est aussi absente en Allemaigne se puissent cy après retirer en icelle. Sur ce m'estant recommendé à voz bonnes graces, je prie Dieu vous maintenir en la sienne.

: Votre serviteur, GEORGE VERNET.

Original sur papier non daté.

Bibliothèque de Besançon, collection Duvernoy.

Lettre missive du capitaine Arbitre en réponse à celle de Georges Vernet lui annonçant qu'eu égard aux pertes subies par son cousin le trésorier, il réduit de moitié le

chiffre de La rançon exigée pour la maison du village de Bart.

Monsieur Vernart,

J'ay veu la lettre que me escrivés et les pertes que a receu vostre cousin le tresorier, avec la volumpté que je n’ay poinct de bruler, qui me faict remettre la somme à moytié, ou à ce que aviserés

(1) Bart, Doubs, arr. et cant. de Montbéliard.

= DD nn N mm

comme trouverés honneste, et je promès sur ma foy faire conserver la maison et tout ce qu'il aura dedans; partant anvoié le moy incontinant par ung tambour quis’en retournera avec ce garson (1), vous voiés que je me remés à la raison, avisés an faire de mesme, si desirés le bien de vostre cousin.

Signé : ARBITRE.

Je me oblige par cette lettre, et gardés la, de conserver la maison, et n’an viendra faulte sur mon honneur.

Suscription au verso: À Monsieur Vernart, le cousin du tresorier Michel.

Original sur papier.

Bibliothèque de Besançon, collection Duvernoy.

Page 1