SUR LE 6° POUR LE FAIT D'HERICOURT

ll a esté sommé par quatre fois.

La premiere, de la part de Son Altesse de Lorraine par un Albanois nommé le capitaine Marlot, lequel ne fit pas grand sejour dans le païs et retournoit en Lorraine.

Depuis, deux jours après fut sommé de la part de monsieur de Sainct Balmon, dict Moncointyn, qui pour lors commandoit à l’armée en l'absence de monseigneur le marquis de Pont, par un gentihomme nommé La Roche qui disoit estre envoyé avec le trompette, et lequel assuroït que tout ce qu'en faisoit led. s° de Moncoïintyn estoit pour le service de Son Excellence.

Depuis led. s° de Sainct Balmon mesme y seroit

venu en personne et le resomma par deux diverses foys. |

Quant aux armes de Sa Majesté catholique, elles n'y sont esté faictes ny affichées.

Led. sieur de Sainct Balmon est domestique de Son Altesse, un de ses chambelland et capitaine de la garde des Suisses qui demeurent à Nancy.

Monseigneur le duc de Wirtemberg avec son conseil advisera aux qualitez susdites.