H. t. V. où te poussoit ma v

Ronsard. — I. Livre des Amours. 20

[CLXXXIX

Son chef est d'or, son front est un tableau, Où je voy peint le gain de mon dommage : Belle est sa main, qui me fait devant l'âge 4 Changer de teint, de cheveux et de peau. Belle est sa bouche et son soleil jumeau, De neige et feu s'embellist son visage, Pour qui Jupin reprendroit le plumage 8 Ore d'un Cygne, or' le poil d'un Toreau. Dous est son ris, qui la Méduse mesme Endurciroit en quelque roche blesme, 11 Vangeant d'un coup cent mille cruautez.

Mais tout ainsi que le Soleil efface Les moindres feux, ainsi ma fo}' surpasse 14 Le plus parfait de toutes ses beautez.

MURET

Son chef est d'or.) Les beautez de sa dame sont grandes : mais la foy qui est en luy les surpasse d'autant, comme le Soleil les estoiles. Ore d'un Cygne.) Comme pour Lede, de laquelle la fable est descrite amplement dans le troisiesme des Odes. Or' le poil d'un Toreau.) Comme pour Europe, de laquelle voy le livret de Baif. Méduse.) Voy ce que j'ay dit sur le Sonet [VllI], Lors que mon œil.

BIBLIOGRAIMIIK

Amours. \V^2, 83; i:;:;3, 213; I^GT. I, 8!) b ; 1."571,-2, 215; i:;78, 210; 1587, 187 ; 1592, 190 ; KiO'i, 1010, 1629, 196.

[GXG]

Tousjours l'erreur, qui séduit les Menades, Ne déçoit pas leurs cerveaux estonnez : Tousjours au son des cornets entonnez 4 Les monts Troyens ne foulent de gambades, Tousjours le Dieu des vineuses Thyades N'afolle pas leurs cœurs espoinçonnez, Et quelque fois leurs esprits forcenez 8 Cessent leur rage, et ne sont plus malades. Le Corybante a quelque fois repos, Et le Curet sous les armes dispos, il Ne sent tousjours le Tan de sa Déesse.

Mais la fureur de celle qui me joint, En patience une heure ne me laisse, 14 Et de ses yeux tousjours le cœur me point.

BIBLIOGRAPHIE

Amours. 1552, 78; 1553, 213; 1567. I, 90; 1571,-2, 215; 1578, 217; 1587, 188 ; 1592, 191 ; 1604, 1610, 1629, 167.

MURET

Tousjours r erreur.) Les ministres de Bacchus et de Cybele, lors qu'ils sacrifîoient, estoient espris d'une fureur qui les faisoit courir, crier, sauteler,

[CXC] VARIANTES : 1. Texte.