Dans le p. d. s. 1. d

228 1. LIVRE DES AMOLKS fcXXXVlU

MURET

Hausse ton vol.) Il escrit à Nicolas Denisot, duquel j ay parlé ailleurs, et le prie, que pour peindre divinement la parfaite beauté de Cassandre, il vole jusques au Ciel, et là, soigneusement contemplant la beauté des dieux, il fantastique, c'est à dire il imagine en son esprit, un exemple de parfaite beauté. Apres, qu'il brasse ensemble le teint de toutes les plus belles fleurs qui soient : et puis les destrempe avec les argentines larmes, qui coulent de ses yeux perpétuellement. Et que, ayant ainsi appresté son patron, et ses couleurs, il se mette à peindre, avecques toute la plus grande diligence qu'il luy sera possible. D'œil d'Argus.) On dit qu'Argus avoitcent yeux, desquels il y en avoit tousiours quatre vingts et dixbuict qui veilloient. Voy le premier des Métamorphoses. Fantastique.) Feins à ta fantasie un portrait sur les plus belles deitez des Dieux. Fantastique, est icy verbe, comme souvent Folastre est verbe en nostre Autheur.