La Salemandre, en ce p., ne v. p

CXLIl] I. LIVRE DES AJIOURS 233

MURET

L Astre ascendant.) Les Astrologues et Judiciaires prennent soigneusement garde à l'Astre ascendant d'un chacun, c'est à dire, à l'Astre, qui du costé de l'Orient, monte sur l'horizon, lors que celuy, duquel ils enquierent le destin, vient à naistre. Car ils tiennent, que de cest Astre dépend principalement l'heur ou le malheur de la personne : tellement qu'ils le nomment seigneur de la nativité. Nostre Auteur dit que son Astre ascendant, lors qu'il nasquit, estoit dans les yeux de Cassandre, et que tout ce qui est en luy, dépend des yeux, et non de l'Astre. On pourroit demander, comment l'Astre pouvoit estre dans l'œil de Cassandre, lors qu'il nasquit, veu qu'elle n'estoit pas encores née. Mais il faut entendre, que selon la fiction du Poëte, elle avoit esté long temps aux cieux, plustost quelle nasquit : comme j'ay touché sur le Sonet [II], qui se commence, Nature ornant. Son feu presagieux .) Presagir est sentir les choses futures devant qu'elles adviennent. De ce verbe est dérivé le nom Presagieux. La Pyralide.) Pj'ralides sont petites bestes volantes, qui ont quatre pieds, et se treuvent en l'Isle de Cypre, ayans telle nature, que elles vivent dans le feu, et meurent dès qu'elles s'en esloignent un peu trop. Auteur Pline en l'unziesme livre. Et le Daufin son onde.) Les Daufins meurent, dès qu'ils touchent la terre. Pline au neufiesme livre.