SONNETS AU ROY
QUAND soubz Jason la fleur de la Grecque noblesse Tous filz de Dieux ou Roys, eut ramé sur les eaux De Neptune estonné, le premier des vaisseaux Pour du Phase apporter la thoison d'or en Grèce :
Elle eut effroy de veoir la tant belle jeunesse De Jason aux perilz des souffle-feux Taureaux, Des gens armez, naissans sur ses sillons nouveaux. Du Dragon veilloit dessus son or sans cesse.
Tes hayneux contre toy vont leur feu vomissant, Tousjours tes ennemis tost et dru vont naissant Sur tes villes veillans dont ilz te font la guerre.
Mais Dieu mieulx que Medée aux dangiers t'aydera.
Et pour la toyson d'or rapporter te fera
La foison d'or peut estre et l'âge d'or en terre.
LES serpents du berceau, le Lion neméan La biche aux piedz d'airain, le porc Ermanthée Les Stymphalides, l'hidre et l'aigle à Promethée Le gardien dragon, le Chien Taurtarean.
Les Colonnes, le Ciel, le fumier Augean Gerion, Diomede, Achelois, Cacque, Anthée Les Centaures, el Nesse en fin le mont Actée Sont labeurs du courage et bras Herculean.
A Junon n'eust esté par Jupiter soufferte Telle rigueur, sinon pour monstrer la couverte Divinité d'Hercule, or ton destin est tel.
Le dol, le tort. Terreur, la révolte, Tenvye
Des voisins, son trava[u]x proposez à ta vie
Qui dontés sont tesmoings de ton estre immortel.
UAND je vois l'exercice honneste de la chasse Sans fin (sire) enflammer tout généreux désir. En éstrenes je veulx pour toy ce vœu choisir Qu'autre chasse par toy cest au nouveau se face.
Tant d'ennemis ouverts et couverts qui [d]'audace V[e]ndent tes beaux champs, osans bien se saisir De tes forts, puissent tous sur terre en fin gésir En rendant les abois en mainte et mainte place
Rusés chercher de jour, leur reposée ilz vont Pour nuysance la nuict tousjours sur piedz ils sont Fay bien juger le temps, fay leur nuict bien defîaire.
(i) Ce sonnet a été publié déjà par Marty-Laveaux dans les notes de son édition (Voy. t. II, p. 379).
Brisant souvent, fay les rembuscher, détourner. Lancer, suyvre, esmeuter, bien courre et maumener Pour maint Trophée en fin de leurs Massacres faire.
SONT vains espouvantans que TAleman se meuve L'Ostrelin et TAnglois de leur corps tant de foys Le reistre et lansquenet, couvrent noz champs François Que leur tort, par leur mort, et leur honte s'apreuve.
Puis il fault qu'argent, ligue et conduicte s'y treuve Tous ces trois n'y sont plus, TAd mirai qui ses loix. Vivant, donnoit à tout mourant, rompit ces trois ; L'Anglois de sa folie au havre f[a]it espreuve.
Leur Royne est tant en trouble, autres dangiers craindra L'esté t'est favorable, et tout secours viendra Foible de gens, encor qu'en grande flotte il vienne.
L'ost du Prince d'Orange a mal faict en tout lieu Telle secte est par tout tousjours battue : et Dieu Armé contre elle, vint ta victoire et la sienne.
