LA CINQUANTE NEUFIESME NOUVELLE

PAR

PONCELLET

En la ville de Saint Omer avoit nagueres ung gentil compaignon sergent de roy, lequel estoit marié a une bonne et loyale femme qui aultresfoiz avoit esté mariée, et luy estoit demouré ung filz qu’elle avoit adressié en mariage. Ce bon compaignon, jasoit ce qu’il eust bonne et preude femme, neantmains toutesfoiz il s’employoit de jour et de nuyt de servir Amour partout ou il povoit, et tant qu’il luy estoit possible..Et pour ce que en temps d’yver sourdent pluseurs foiz les inconveniens plus de legier qu’en aultre temps a poursuivir la queste loing, il s’advisa et delibera qu'il ne se partiroit point de son hostel pour servir Amours, car il y avoit une tresbelle jeune et gente fille, chambriere de sa femme, avecques laquelle il trouveroit maniere d’estre son serviteur s’il pouvoit. Pour abreger, tant fist par dons et par promesses qu’il eut octroy de faire tout ce qu'il luy plairoit, jasoit que à grand peine, pour ce que sa femme estoit toUSjJours sus eulx, qui congnoissoit la condicion de son mary. Ce nonobstant, Amour, qui veult tousjous secourir a ses vraiz Servans, inspira tellement l’entendement du bon et loyal servant qu’il trouva moïen d'accomplir son jeu. Car il faindit estre tresfort malade de refroidement, et dist a sa femme : « Tresdoulce compaigne, venez ça : je suis si tresmalade que plus ne puis ; il me faut aller coucher. Je vous prie que vous faictes tous noz gens coucher, affin que nul ne face noise ne bruit, et puis venez en nostre chambre. » La bonne damoiselle, qui estoit tresdesplaisante du mal de son mary, fist ce qu’il luy commenda. Et puis print beaulx draps, les chauffa et mist sus son mary après qu’il fut couché. Et quand il fut bien eschauffé par longue espace, il dist : « M'amye, il suffist. Je suis assez bien, Dieu mercy et la vostre, qui en avez prins tant de peine ; si vous pry que VOUS en venez coucher emprès moy. » Et elle, qui desiroit la santé et le repos de son mary, fist ce qu'il luy commendoit et s’endormit le plus tost qu’elle peut. Et assez tost après que nostre amoureux perceut qu’elle dormoit, se coula tout doulcement jus de son lit, et s’en alla combattre ou lit de sa dame la chambriere tout prest pour Son veu accomplir, ou il fut bien receu et rencontré. Et tant rompirent de lances qu’ilz furent si las et recreuz qu’il convint qu’en beaux bras ilz demourassent endormiz. Et comme aucunes foiz advient, quand on s'endort en aucun desplaisir ou melencolie, au reveiller c’est ce qui vient premier à la personne, et est aucunesfoiz mesme cause du reveil, comme a la damoiselle advint. Et jasoit que grand soing eust de son mary, toutesfoiz ne le garda elle pas bien, car elle trouva qu’il estoit de son lit party. Et taste sur son oreiller,

TÉARESES 2 #4

et en sa place trouva qu'il y faisoit tant froit et qu’il avoit longtemps qu’il n’y avoit esté. Adonc, comme toute desesperée, saillit sus. Et en vestant sa chemise et sa cotte simple disoit a part elle : « Lasse meschante, or es tu une femme perdue et qui fait bien a reproucher, quand par ta negligence as laissé cest homme perdre! Helas! pourquoy me suis je ennuyt couchée pour ainsi moy habandonner a dormir ? O vierge Marie! veillez mon cueur rejoyr, et que par ma cause il n’ayt nul mal, car je me tiendroye coulpable de sa mort! » Et après ces regretz et lamentacions, elle se part hastivement et alla querir de la lumiere. Et affin que sa chambriere luy tinst compaignie a querir son mary, elle s’en alla en sa chambre pour la faire lever. Et la en droit trouva la doulce paire, dormans à braz. Et luy sembla bien qu’ils avoient traveillé cette nuyt, car ilz dormoient si bien qu'ils ne s’esveillerent pour personne qui y entrast, ne pour lumiere qu’on y portast. Et de fait, pour la joye qu’elle eut de ce que son mary n’estoit point si mal ne si desvoyé qu'elle esperoit, ny que son cueur luy avoit jugié, elle s’en alla querir ses enfans et les varletz de l’ostel et les mena veoir la belle compaignie. Et leur enjoignit expressément qu'ilz n’en feissent aucun semblant ; et puis leur demanda en basset qui c’estoit ou lit de la chambriere [et] qui la dormoit avec elle. Et ses enfans respondirent que c’estoit leur pere, et les varletz dirent que c’estoit leur maistre. Et puis les ramena dehors, et les fist aller recoucher, car il estoit trop matin pour eulx lever ; et aussi s’en alla elle pareillement rebouter en son lit, mais depuis ne dormit gueres, tant qu’il fut heure de lever. Toutesfoiz, assez tost après, la compaignie des vraiz amans s’esveilla, et se despartirent l’un de l’aultre amoureusement. S1 s’en retourna nostre maistre en son lit, enprès sa femme, sans dire mot ; et aussi ne fist elle, et faignoit qu’elle dormist, dont il fut moult joyeulx, pensant qu’elle ne sceust rien de sa bonne fortune. Car il la cremoit et doubtoit a merveilles, tant pour sa paix comme pour la fille, Et de fait se reprint nostre maistre a dormir bien fort. Et la bonne damoiselle, qui point ne dormoit, si tost qu’il fut heure de descoucher, se leva, et pour festoier son mary et luy donner quelque chose confortative, après la medicine laxative qu’il avoit prinse celle nuyt, fist ses gens lever et appella sa chambriere, et luy dist qu’elle prinst les deux meilleurs chapons de la chaponnerie de l’ostel, et les appoinctast tresbien, et puis qu’elle allast a la boucherie querir le meilleur mo{r]seau de beuf qu’elle pourroit trouver, et si cuisist tout a une bonne eaue pour humer, ainsi qu’elle le saroïit bien faire ; car elle estoit maistresse et ouvriere de faire bon brouet. Et la bonne fille, qui de tout son cueur desiroit complaire a sa damoiselle et encores plus a son maistre, a l’un par amours, a l’aultre par crainte, dist que tresvoluntiers le feroit. Et tantdiz la bonne damoiselle alla oyr la messe, et au retour passa par l'ostel de son filz, dont il a esté parlé, et luy dist qu’il vinst disner a l’ostel avec Son Mary, et si amenast avec luy trois ou quatre bons compaignons qu’elle luy nomma, et que son mary et elle les prioient qu’ilz venissent disner avec eulx. Et puis s’en retourne a l’ostel pour entendre a la cuisine, que le humet ne soit eSpandu comme par male garde il avoit esté la nuytée ; Mais nenny, car nostre

bon mary s’en estoit allé a l’eglise. Et tantdiz, le filz a [a damoiselle alla prier ceulx qu’elle luy avoit nommez, qui estoient les plus grands farseurs de toute Ja ville de Saint Omer. Or revint nostre maistre de la messe, et fist une grand brassée a sa femme, et luy donna le bon jour ; et aussi fist elle a luy. Et pour ce ne pensoit point mains. Ît toutesfoiz luy dist elle qu’elle estoit bien joyeuse de sa santé, dont il la mercya et dist : « Voirement suis je assez en bon point, m’amye, auprès de la vesprée, et me semble que j'ay tresbon appetit ; si vouldroye bien aller disner, Si vous vouliez. » Et elle luy dist : « J’en suis bien contente ; mais il fault ung peu actendre que le disner soit prest, et que telz et telz qui sont priez de disner avecques vous soient VEnuz. — Priez, dit il, et a quel propos ? Je n’en ay cure, et amasse mieulx qu’ilz demourassent. Car ilz sont si grands farseurs que s'ils scevent que j’aye esté malade, ilz ne m'en feront que sorner. Au mains, belle dame, je vous prie qu’on ne leur en die rien. Et si a une aultre chose : que mengeront ilz ? » Et elle dist qu’il ne se souciast et qu’ilz aroient assez a menger, car elle avoit fait appo incter les deux meilleurs chapons de leens, et ung tresbon mofriseau pour l'honneur de luy, dont il fut bien joieux et dist

ue c’estoit bien fait. Et tantost après vindrent ceulx que l’on avoit priez, avecques le filz de la damoiselle. Et quand tout fust prest, ilz allerent seoir a table et firent tresbonne chere, et par especial l’oste, et buvoient souvent, et d’autant lun a l’autre. Et disoit l’oste a son beau filz : « Jehan, mon amy, je vous prÿ que VOLS buvez a vostre mere, et faictes bonne chere. » Et il dit que tresvoluntiers le feroit. Et ainsi qu'il eut beu a sa mere, la chambriere, qui servoit, survint à la table. A ce cop et lors la damoiselle l’appella et luy dist : « Venez ça, ma doulce compaigne, buvez a moy et je vous plegeray. — Compaigne dya, dit nostre amoureux, et dont vient maintenant celle grand amour ? Que male paix y puist mettre Dieu, veez cy grand nouvelleté! — Voire vraiement, c’est ma compaigne certaine et loyale ; en avez vous si grand merveille ? — Ha dya, Jehanne, gardés que vous dictes ; ja penser pourroit on quelque chose entre elle et moy. — Et pourquoy ne feroit? dist elle. Ne vous y ay je point ennuyÿt trouvé couché en son lit et dormant braz a brazi — Couché! dit il — Voire, vraiement, dit elle. — Êt par ma foy, beaulx seigneurs, il n’en est rien, et ne le fait que pour me faire despit, et a la pouvre fille blasme ; car oncques Ré m'y trouva. — Non dya ? fist elle ; vous l’orrez dire tantost et le vous feray dire par tous ceulx de ceens. ? Adonc appella ses enfans et les varletz qui estoient devant la table, et leur demanda s’ilz avoient point veu leur pere couché avec la chambriere. Et ilz dirent que 07. Et leur pere respondit : « Vous mentez, mauvais garçons, vostre mere le vous fait dire, — Sauf vostre grace, pere, nous vous ÿ vismes couché ; aussi firent noz varletz. — Qu'en dictes vous ? dit la damoiselle. — Vrayement 1il est Vray, ” dirent ilz. Et lors il y eut grand risée de ceux qui la estoient, et le menerent terriblement aux abaiz. Car la damoiselle leur compta comment il s’estoit fait malade et toute la maniere de faire, ainsi qu’elle avoit esté, et comment, pour le festoier, elle avoit fait appareiller le disner et prier ses amys, qui de plus en plus

renforcerent la chose, dont il fut si honteux que a peine savoit il tenir maniere ;

et ne se sceut aultrement sauver que de dire : « Or avant, puis que chacun est contre moy, il fault bien que je me taise et que j’accorde tout ce qu’on veult, car je ne puis tout seul contre vous tous! » Après commenda que la table fut ostée, et incontinent graces rendues, appella son beau filz et luy dist : « Jehan, mon amy, Je vous prie que si les aultres m’accusent de cecy, que m'’excusez en gardant mon honneur ; et allez veoir a ceste pouvre fille qu’on luy doit, et la paiez si largement qu’elle n’ayt cause de soy plaindre, puis la faictes partir ; car je sçay bien que vostre mere ne la souffrera plus demourer ceens. » Le beau filz alla faire ce qui luy estoit commendé, et puis retourna aux compaignons qu’il avoit amenez, lesquelz il trouva parlans a sa mere, et la remercyoient de ses biens ; puis prindrent congié et s’en allerent. Et les aultres demourerent a l’ostel ; et fait a supposer que depuis en eurent maïntes devises ensemble. Et le gentil amoureux ne beut point tout l’amer de son vaisseau a ce disner ; et a ce propos peut on dire « De chiens, d’oiseaux, d’armes, d’amours : Pour ung plaisir mille doleurs. » Et pour ce nul ne s’i doit bouter s’il n’en veult a la foiz gouster. Et ainsi doncques, comment qu’il en advenist, acheva le gentil compaignon sa queste en ceste partie, par la maniere que dit est.