CHAPITRE VII

REDACTION PRIMITIVE

Quant ly rois vit sa seur, à l'entrer en sa chambre il ala contre ly et le prist par la main. Si le baisa en bienveignant doucement, etluy dist : «Ma belle seur, vous et mon beau nepveu, nous soyez bien venu. » Lors se volt la roynne ajenouiller par deux ou par trois fois contre luy; mais il le tenoit adiès par la main et ne ly laissoit faire. Si Tenmena oultre. Dont luy demanda moult doucement de tout son estât ; et la dame luy respondy moult doucement et sagement. Si lui dist : a Mon très chier sire et frère, si nous va, moy et mon fil, malvaisement, car mon mary roy d'Engleterre m'a pris en liayne ; si ne scet pourquoy ; et tout par Tenort d'un seul chevalier, Huon le Despensier;car celui a tellement monseigneur trait à soy, que tout ce qu'il lui veult dire est fait. Et jà par lui sont mors pluiseurs haulx barons d'Engleterre, car à ung jour en fist prendre et les testes copper jusques à vingtdeux; et par espécial le bon conte Thomas de Lenclastre, dont ce fri grans dommages; car chils estoit bons preudoms , de sainte vie et plains de bon conseil ; et n'y a si bon en Engleterre , tant soit noble, qui oseroit dire encontre luy. Et tant (ju'ù moy fu dit en grant privé que l'envie estoit si grande sur moy, que se je demouroie encore un peu ou pays, par ceste malvaise infourmacion, que ly rois me féroit morir ou languir en honte et en povreté, sans ce que je l'aye desservi, ne volroie faire; car onques envers luy ne pensay mal , ne fis chose dont on me deuist blasmer. Et quant j'euch oyes ces dures nouvelles si périlleuses sur moy, je m'avisay, pour mieulx faire , que je me partiroie d'Engleterre; si voUis verroie véir, et remonstrer comme à mon frère la grande et dure besongne et le péril en quoy j'estois. Et pareillement en tel point est le conte de Kent que là véez, qui est frère à mon mary le roy, et par l'esmouvemens et faulx ennors de ce Huon le Despensier. Si sûmes chi afuys, comme vous véez, desconseilliez, desconfortez et esgarez, de-

vers vous, pour prier de conseil et de confort avoir; car se Dieux et vous n'y remédiez, je ne me sçay vers qui retraire. »