CHAPITRE IX

Qr vous diray un petit du malvais messire Hue le Despensier. Quant il vit que la roynne s'estoit par devers le roy ainsi retraite , il s'a-

D'UNE PARTIE DU PREMIER LIVRE

pensa et doubla Fort qu'elle ne poiircachast ee qu'elle faisoit, et que s'elle revenoit à force en Engleterre,que il n'en f ust destruis. Si s'avisa que, s'il povoit, que par dons d'or et d argent et de joiaux, ildeceveroit le roy de France et son conseil , adfin qu'il ne confortaissent la dite roynne ne qu'il ne lui fesissent aucun contraire. Et quistmessagiers souffisans soulils et bien afaitiés; si leur querqua pluiseurs lettres et joiaux, avec or et argent à grant plenté ; et tant fist en brief terme que le roy et tout son conseil furent aussi froit de la dame aidier, comme ils en avoient eu grant désir et volenté. Et brisa le roy propre tout cel voyage, et deffendy, sur à perdre le royalme, que nuls ne s'en mesist. Dont pluiseurs chevaliers furent moult courrouchiés , car il avoient grant désir d'aidier à la dame; et moult s'esmervillèrent comment le roy pooit cstre en sy peu de temps retournés; et murmurèrent fort par le pays qu'il estoit decheus par or et par argent qui d'Engleterre lui estoit venu. Encore vous diray de quoy celui messire Hue s'apensa. Quant il se perchut à plaip qu'il n'avoit garde que François venissent oultre, pour mieulx florir son fait , et adfin que la royne euist aucune renommée de mesfait ou de tort, ilconsilla le roy d'Engleterre qu'il escripsist au Saint Père le pappe, en suppliant bienacerles qu'il mandâst au roy de France que il lui volsist renvoier sa femme , car il s'en voloit aquiter à Dieu et au monde. Et monstroit que ce n'estoit point sa coulpe qu'elle s'estoit partie de luy ne du pays, car il lui voloit faire toute loyalté, telle c'on doit en mariage. Et avec toutes ces lettres, en luy escusant , il cnvoia plenté d'or et d'argent par devers le pappe et aux plus grans du secret du pappe. Et tellement mena le pappe soubtilement, que la royne fu du tout condcmpnée en tort avoir; et mirent le roy d'Englcterre el son conseil en droit. Et par le conseil de pluiseurs cardinaulx qui à ce furent d'accort, le pappe escripsy au roy de France que , sur painne d'escuméniement, il renvoyast la royne sa seur à son mary le roy d'Eugleterre. Tantost ces lettres véues, et par si espécial messager portées que par l'évesque de Saintes en Poitou , avec aultres que le pappe y envoya en légacion , adont le roy de France , qui jà par avant estoit desvoiés , par les dons qui d'Eugleterre cstoient venus, si se meut durement à parler à la roymie; et lui dist plaine-

ment : a Je ne veux plus soustenir vous ne vostre fait en mon pays; mais partez-vous hastivement. Se vuidiés mon royalme ou je vous ferai vuidier.