CHAPITRE XIV

Ainsi estoit moult encoragiés messire Jehan de Haynnau pour la royne reconforter, et moult se hasta. Si fîst mandement à eslre 1rs Ilaynuiers à liai, les Brabencons à Bredas, les Behaignois à estre au mont Sainte Gertrud et les Ilolandois à Dourdrecli. Dont prist la roynne moult doulceracnt congiet au bon conte et à la contesse, et les remerchia moult de leur honnourable et bonne chierre que fait lui avoient. Si les baisa au partir et leurs beaux enfans. Ainsi se party la royne, son fil et toute leur roulte, accompaignié de monseigneur Jehan de Beaumont qui moult envis eut congiet de monseigneur son frère. Mais finablement, quant il vit queaultre chose il n'en povoit avoir, il lui donna congié moult débon- . nairement; et ossy messire Jehan le prist en l disant : a Monseigneur mon frère, je suy josnes; se croy que Dieux m'a pourvéu ccste emprinse pour mou advancement ; et se Dieux m'ajl, le corage m'en siet trop bien; et ay espoir que nous en venrons à notre honneur et que le grant envie et le péchié par quoy ceste dame est

ensy escachie, sera par moy yengiés et amendés. Et croy que je y feray grant aumosne. Et elle est si noble dame; et sommes de son sanc et elle du nostre. Si ameroie mieulx à renonchier à tout mon vaillant que à ceste emprinse.»