CHAPITRE XXI

Ainsi eut la dame reconquis son royalme pour son aisné fil. Si le conduist et conforta ce gentil chevalier, messire Jehan de Beaumont, et sa belle compaignie, qui là furent tenus pour preux , par la grande et haulte emprise que foit avoient ; car la compaignie fu grande en bonté et petitte en nombre, car il n'y eut que trois cens armures de fer au partir de Dourdrech. Se fut grande emprinse et grans fais, car par eulx refu la damme remise de force en son pays avec l'ayde de Dieu.