CHAPITRE XXV

Quant les gens de messire Jehan furent partis de Londres , adont la ro3me dist à ses bonnes gens que chascun s'en ralast à son hostel, horsmy aucuns de plus sages barons qu'elle retint pour son conseil; et commanda à tous que chascun revenist au Noël à Londres , à court qu'elle voloit tenir très grande. Et quant vint au Noël tous les nobles barons et chevaliers revinrent, etaussy tout le conseil des bonnes villes du pays, pour prendre adviscomment ils auroient seigneur ; car longuement ne povoient demourer ainsi. Et aussi mist on toutes les euvres et fais du roy en escript, et le malvais gouvernement qu'il avoit fait de son pays, pour lire devant les sages de le court . et ainsi fu fait. Et quant tous ses fais furent lut devant tout le conseil du pays , les barons et le conseil des bonnes villes alèrent à conseil ensarable. Et quant ils eurent tout conseilliet sur les malvais fais et usages en quoy le roy estoit trouvés coupables, il fu dit qu'il n'estoit jamais dignes de porter couronne, ne d'avoir nom de roy, mais fu dit que son aisné fil, qui là estoit fusl couronnés tanlost en lieu de son père,adfin qu'il usasl par bon conseil, et que le royalme fust gouvernés et wardés sagement mieulx qu'il n'avoit esié; et A ce furent tous d'accors.