CHAPITRE LU

Ce roy Charle fu trois fois mariés, et si morut sans avoir hoir malle de nulle de ses fammes, dont ce fu pitet, si comme vous orez chy après. La première de ses femmes fu la plus gente et H une des plus belle du monde, et fu fille le contesse d'Artois. Celé damme garda mai son mariage et se mesfîst , parquoy elle fu longtemps en prison ou chastel Gaillard, en moult grant niescbief, ainchois que son mary fust roy. Quant le royalme de France lui fu escheu , et il fu couronnés, les pers et les barons de France, pour ce qu'il n'avoit point sa famme et ils désiroient qu'il euist hoir malle, ils traitèrent tant qu'il fu remariés à la fille de l'empereur Henry de Luxexnbourch et seur au noble roy de Behaignc. Et fiston tant que, par dcclaracion de noslre saint père le pape, que le mariage de celle damme qui esloit en prison fu desfais. De celle seconde famme de Luxembourg, qui moult bonne fu et prude famme , eut-il ung fil qui mourut josne. Assez tost après morut la mère à Ysodun en Berry, moult soupeçonneusemcnt tous deux, si comme renommée courut ; et en furent aucunes gens soupeçonnés. Aprèsce roy Charle fu remariés le tierce fois à le fille de son oncle, fille monseigneur Loys d'Evreuls , et fu nommée la bonne roynne Jenanne , seur au roy de Navare qui adont estoit. Or advint que celle damme fu enchainle, et le roy s'accoucha malade au lit mortel. Quant il perchuptque morir lui convenoit, il ordonna que se la roynne sa femme s'acouchoit d un fil, il voloit

que messire Phelippe de Valois son cousin germain en fust mainbour, et régent de tout le royalme jusques adont que ly enfès aroit eagc; et s'il avenoit que ce fust une fille, les douze pers et les autres barons euyssent advîs et conseil sur ce, de mettre et de donner le royahne à cdoy qui par droit le deveroit avoir.