CHAPITRE LIV

A ce jour de le Trenilé fu ce roy Phelippe sacrés en la grande église de Nostre Dame de Rains, présens tous ces seigneurs. Et là estoient plenté de grans seigneurs qui avoient leurs offlsces, qui bien le faisoient, réservé le comte de Flandres qui se traioit arrière; dont il fu appelés en hault ; et dit-on par trois fois : a Conte de Flandre, se vous estes céens, se venez feire vostre devoir. »Et le conte, qui bien ooit tous ces parlers, se taisoit tous cois. Lors fu de rechief appelés le tierce fois, et amonestés, de par le roy, qu'il venist avant sur quant qu'il pooit roesfaire. Et quant il s'oy amonester ensy, il vint et s'enclina au roy et dist : a Monseigneur, si on m'euis tappelé Loys de Nepvers et non conte de Flandres, je me fuisse pieçà trais avant. » — « Comment, dist le roy, n'estes vous pas conte de Flandres? » — « Sire, dist-il , j'en porte le nom , mais la seignourie et proufit y ay je malvaisement. sDont voult le roy savoir comment c'estoit. « Monseigneur, dist le conte , ceulx de Bruges, dlppre , de Popringhe et de le chastellerie de Cassel m'ont bouté hors; et escarsement puis-je estre à Gand. i>Dont parla le roy et dist : « Beau cousin, nous vous jurons par le onccion que nous avons huy recbupt, que jamais ne rentrerons en Paris, se vous arons remis en paisible possession de la conté de Flandres. » Lors s'ajenouilla le conte et dist : a Mon très chier seigneur, grant merchy. » Et depuis fist le conte son devoir, moult resjoys de le promesse; et ce fu bien raison.