CHAPITRE LVIII

Quant le roy vint à Paris premier comme roy, il fu rechus très honnourablement ; et furent toutes les rues par où il passa jusques au palais rouvertes de drap d'or ; et estoit adestré du roi de Behaigne et du roi de Navare, acompaigniés (le tant de grans seigneurs que sans nombre. Et si scroit anoy du recorder les festes, les honneurs , les grans solempnités que on lui fist. Et manda tous ses barons parmy le royalme, qu'ils venissent faire hommage et féallé à lui. Assez lest après il fist escripre et envoier devers le josne roy d'Engleterre, qu'il venist relever sa terre de Pontieu qu'il (enoit de lui, et toute sa terre de Gascongne. Et quant le roy d'Engleterre oy ces nouvelles, il requelly le messagier moult honnourablement , et le fist séjourner à Londres bien

quinze jours, et entreus se conseilla qu'il feroîl de ceste besongne. Si trouva à son conseil qu'il estoit tenus du foire. Dont respondy au messagier : que temprement s'ordonneroit pour passer oultre, et yroit vers le roy. Geste response oye, prirent congiet ; si eurent de moult rices joiaux qui leur furent donnés.