CHAPITRE LXVII

Or revenrons à nostre matère des Englès et des Escos. Quant vînt le jour qui només estoit , le noble roy Édoui^art à toute son host s'en alla au Neufchastcl>sur-Thiu ; et là se tint par Tespasse de huit jours, attendant ses gens et ossy ses messages qui estoient en Escoce, lesquels revinrent au neuvième jour ; et ne rapportèrent aultre responsse que le première. Et bien disoient au roy, que les Escos estoient tous apparilliés de luy recevoir : a Et quant nous véismes les aFfeccions qu'il ont contre vous, nous, de par vous les avons desfié. Si poez d'ores-en-avant chevauchier sur euh. Mais regardez sur quel costé. > Dist le roy : « Nous en arons advis. d Adont se conseilla. Si se porta le conseil que on alast devers Rosebourch, car c'est ung fort chastel sur frontière, et se le tiennent hors raison. Dont se party le roy du Neufchastel, et fist son ost chevauchier tant que cel jour vinrent jésir au Vitiol , ung chastel et ville qui estoit au seigneur de Persy. Le roy avoit bien en ceste armée dix mille hommes d'armes et vingt milleà piet, archiers et Galois; et s'esploita tant qu'il vint devant Rosebourch. Là se logèrent ; et avironnèrent le chastel de tous costés ; et envolèrent chevauchier et fouragier et ardoir en Escoce. Si fist le roy drechier grans engiens qui jettoient songneusement ou chastel, tant que les combles des salles et des tours furent tous desrompus. Et furent tant batu qu'il ny dvoit mais que deux tours où il se peussent tenir. Moult furent ceulx qui le forteresse gardoient bonnes gens ; mais quant ils se sentirent ainsi constraint , si traitèrent devers le roy unes trieuwes de quinze jours, adfin que l'un d'eulx puist aller devers le roy d'Escoce remonslrer en quel party il estoient ; et se dedens ce jour il

n'estoient secouru , ils renderoient le fort au roy d'Engleterre et se partiroient , sauf leurs corps et biens; et ainsi le roy l'accorda. Si cessèrent tous assaulx ; et laiss^n passer le mes* sage qui aloit vers le roy d'Escoce.