CHAPITRE LXXllI

Mais avant que Rosebourch fust rendue , il y eut ung moult noble feit d'armes fait entre Alexandre de Ramesay, capitaine du chastel, et Willame de Montagu, Englès; et le firent à cheval, si honnourablement que tous deux y acquirent honneur. Et sachiés que il dura moult longuement; et y furent tous deux moult vilainement navrés ; et se fist à plain camp sans closure, en leur^hamas, autel qu'ils avoient en la guerre. Et en fu juge le roy d'Engleterre qui moult les honnoura au prendre sus.