CHAPITRE LXXXIV

Dont quand il eutle chastel à merchy, et moult du pays d^Escoce essiliet et gasté, si demanda conseil à ses hommes comment il se maintenroit. Si lui fu conseillié de pluiseurs de son secret conseQ, qu'il pourvéist bien les forteresces que prises avoit, et de bonne chevalerie et de bons archiers, pour bien garder encontre les Escos, et s'en ralast arière vers Londres sa bonne cité, et fesist là assambler son parlement des nobles, des prêtas et des bonnes villes, et là fesist remonstrer toute son intencion, et ce dont messire Robert d'ArtoisFavoit infourmé. Aces'accorda le roy. Et premiers fist pourvéir les villes et places qu'il avoit prinses, jusques au nombre de neuf; et furent souverains pour garder toute la marche : messire Gautier de Maugny et messire Willame de Montagu. Dont se parly le roy et s'en revint à Rosebourch; et là donna congié à ses gens; et là dist à tous ceulx qui estoient de son conseil qu'Us fuissent à certain jour à Londres, et il luy eurent en couvent. Après ce, exploita tant le roy par ses journées qu'il vint à Evruich. Si trouva la roynne sa femme qui devoit relever. Si séjourna tant qu'elle fu relevée. A ce jour eut grant (este. Après ce se party le roy , la roynne et messire Robert d'Artois, et entrèrent à Londres. Et eux là venu, fist le roy faire leobsèquede messire Jehan de Eltem au moustier des Augustins; et toudis messire Robert d'Artois emprès le roy à qui il monstroit grant amour.