CHAPITRE XCVIII

Lors se partirent de Valenchiennes dame Jehanne de Valois et messire Jehan de Beaumont son frère, et entrèrent en Paris en bon aroy, leur il trouvèrent le roy qui les rechupt à grant joie , et moult festia madame sa seur et monseigneur Jehan de Beaumont. Après ce , contèrent au roy tout leur message, et par espécial pour son honneur garder et les Englois apaisier, aux quels sambloit que on fesist vilienie, et en disant : « Pour ce cas sûmes nous cy venus. » Et quant ils eurent toute leur iutencion ditte, le roy respondy en disant :aMa belle seur, et vous, sire de Beaumont, vray est que par aucuns moyens, en espécial des personnes d*église, je m'acorday en ce que d'envoier à Valenciennes. Or me sont aultres nouvelles et consaulx venus de mes plus espécials amis sur ces besongnes ; de quoy, tout considéré, j'ai trouvé que de là envoler je n'y sui riens tenus ; et se je le faisoie ce seroit grandement à mon blasme et au préjudice de mon royalme , car le roi d'Englelerre n'a nul droit en mon pays; j'en suy en la possession, et y suy mis par l'assens de tous les pers de France. Si tenray ce droit pour moy, et deffenderay, s'i( m'estoit calengiés , contre tout homme. Et ces raisons j'ay envoies devant nostre Saint Père et collège, qui bien s'i assentent; et ne treuvent par nul clers de droit que je doie autre chose faire, d A ces paroUes respondy madame sa seur, qui les périls doubtoit entre son frère le roy et son fils le roy Édou wart, et dist : a Monseigneur, je ne tîeng point que le roy d'Englelerre tende ne tire plainement à le couronne de France: mais

REDACTION PRIMITIVE

par la proîsmeté de madame sa mère, s'aacuns drois devoit avoir aux héritages, salve vostre honneur , vous fériés bien si vous consenties que aucunement il y fust wardés, et par quoy vous demourissiez bon amy, qui estes si grans et si prochain amy. Si vous prie chiërement à ce que je soie oye de vous, et que vous veuilles vostre conseil envoler à Valenciennes comme en couvent l'avez. » Lors respondy le roy qu'il en aroit advis. '