CHAPITRE C

Dont escriprent d'un accort le conte de Haynnau et les seigneursd'Englelerre, comme messagiers de par le roy d'Engletcrre, à aucuns des seigneurs de l'Empire, tels que au duc de Guéries, au marquis de Jullers, à l'arcevesque de Gou-

longne, à monseigneur Galleran son frère et au marquisdeBrandebourch,queilsvolsissentvenir en Haynnau jusques à Valenchiennes devant le conte,àung parlement qui estre y devoit. Ceulx qui priet furent ne s'escusèrent point; mais escriprent qu'il y seroient volentiers au jour. Or poezcroireque dedens ce jour du parlement, qui n'estoit mie si tost , ces seigneurs d'Engleterre pourcachoient en pluiseurs lieux, à le fois en Flandres et es bonnes villes, pour eulx acointier des plus vaillans bourgois et des communs. Si tenoient grant estât, et despendoient largement, et donnoient grant disners pour tondis acquérir grâce; et prometoientque se les Flamens estoient amis aux Englès, ils aroient marchandise et autre amour au roy et au pays. Âdont avoit à Gand ung chevalier que on appelloit messire Simon le Courtrisien, anchien homme et riche, et qui volentiers festioit et recepvoit les estrangiers, et espécialment chevaliers et barons d'onneur. Si compaignoit ces seigneui-s d'Engleterre quant il venoient à Gand, et faisoit toute le bonne compaignie qu'il pooit. Si l'en vint mal; car le roy de France et le conte de Flandres en furent infourmés. Si doubtërent qu'il ne volsist attraire les coers des bonnes gens du pays à le oppinion du roy d'Engleterre. Dont, pour eulx mieulx asseurer, le conte le manda à ung certain lieu. Luy venu au mandement, il fu pris et livrés au conestable de Flandres, et puis à celui de France. Sifu assez tost après décolés; dont grant murmuracion fu ens ou pays; et s'en esmurent grant haynne sur le conte et son conseil. Car ce fu fait moult hastivement, selon ce qu'il estoit de grans amis, et prissanment riches bons. Depuis le mort de ce seigneur, les chevaliers d'Engleterre n'osèrent si à plain hanter ens ou pays de Flandres. Si se tinrent en Haynnau , dalez le conte qui bonne chière leur faisoit.