CHAPITRE CXXXL

Par ainsi estoit Artevelle bien amés du roy, et en Flandrescremus et doubtés ; car depuis que le conte fu partis,il régna comme sire, et tenoit grant estât et puissant. Si avoit plenté de sodoierspour son corps garder; et aussi avoit-il par toutes les bonnes villes sergans à ses gaiges qui faisoient ses commandemens; et faisoit espier s'il y avoit nulluy, qui fust rebelles ne contraires à luy, ne qui murmuraissent contre ses f^is. Et si tost qu'il en y avoit aucuns, il estoient bany ou tué, et espécialment chevaliers, escuiers, puissans bourgois et toutte puissant gens, puis qu'ils avoient point ne pau d'amour au conte et non à luy. Et en y eut moult de banis: dont il leva la moitié des revenues, et l'autre moitié demouroit à leurs fammes et à enfans. Il faisoit lever les rentes, lestonlieux, les v^ingnaiges, les droitures, et toutes revenues que le conte devoit avoir et que à lui appartenoit , quel part que ce fust. Si les dcspendoit à sa volcnté; et donnoit où il lui plaisoit, sans compte rendre à nulluy. On ne treuve que nuls prinches ait pays si à sa voulenté que celui l'eut , le terme de neuf ans. Et quant argent lui faloit, on Fen créoit; et croire Ten convenoit, car nuls n'osoit dire à rencontre. Et quant il en demandoit à emprunter à aucun puissant bourgois sur ses paiemens , il n'estoit si grant qui refuser lui osast, si fort estoit- il fortunés pour ce temps.