CHAPITRE CXXXV

Quant tous ces seigneurs furent assamblés, ils conseillièrent longhement; car la besongne leur touchoit durement. Quant ils furent tous oonseilliés , ils dirent au roy tout d'un accort : c Chier seigneur, vostre besongne nous est moult pesans; car nous ne véons mie que nous aions nulle cause de desfier le roy de France pour vostre cause , se vous ne pourcachiez ainchois l'acord de Tem pereurqui le nous commande de par luy; et il ara bien cause et raison du faire. Si vous dirons comment. Vray est que le roy de France, quiconques lesoit, a juré et ssgellé qu'il ne peut ne doit tenir ne acquerre rienssur l'Empire; et ce roy Pbelippe qui ores règne a Fait le contraire, car il a acquis le chastel de Criève-Coer et celui d'Arlcux en Paluiel , et pluiseurs hiretages en Cambrésfs , que faire ne doit. Pourquoy l'empereur, mais (ju'jl

RÉDACTION PRIMITIVE

en soit infoormés, a caase de lui desfier, et le faire par nous faire qui sûmes ses subgës. Si vous prions que vous pourcachîés, adfin que vous aiez son acort, pour vostre honneur et le nostre; et nous aussi y metterons paine à nostre pooir. «Et quant le roy Englès oy ces responscs, si fu tous confus; car adont il cuidoit avoir responsce finable , et il vit que c'estoit grans alongemens, dont moult lui aimuyoit s'il Teuist peu amender. Si leur dist :« Certes, seigneurs, se plus tost on m'euist ceste raison monstrée, je m'en fuisse de piéchà avanchiés. Et je vous prie que vous m'y aidiés à conseillier, qui véez que je sui de chà la mer en estraingne pays, et si ay longhement séjourné à grans frais et n'ay riens fait. » Dont ils furent tous d'acord que, pour esploitier ceste besoingne, le marquis de JuUers yroit parler à l'empereur, etymenroit des chevaliers et des ders le roy d'Engleterre, et du conseil le duc de Ghcrles; et feroient labesongneaumieulx qu'ils poroient. Si se mirent au chemin le plus hastivement qu'ils peurent. Adont présenta le duc de Brabant au roy d'Engleterre le chastel de Louvaing, pour lui et la roynne demourer ens, tout river ensieuwant, se tant estoit ou pays.